طابت أوقاتكم
لليلة الشوق والهجران زلزلني=الروح مما دهاها حيل مشعوفه
ذكرت حيٍ(ن)رحل كان بيواصلني=لكن مدري وش اللي غير ظروفه
سافر على محمل النسيان وأرسلني=على جناح العنا ويدي مكتوفه
يا غائبٍ(ن)لك زمن وشبك مهملني=علام نفسك علي ما هي بملهوفه
وش غيرك يا بعدهم ما تحملني=ترحل قبل عين حبك حالي تشوفه
وش بك كذا بالهجر ناوي تعاملني=وأحلام عمري بحبل الوصل ملفوفه
إن كان عازم عن أوطانك ترحلني=هويتي من وطنك بحق مصروفه
إن كان ناوي على قتلي بتقتلني=عجل عليًه وريح نفس معسوفه
وإن كان قصدك بفعلك بس تزعلني=روحي ياروحي بفعلك لافها لوفه
اجرح على كيف كيفك لا تجاملني=القلب مكشوف لك والروح مكشوفه
اشعل لنار الهوى بالقلب واشعلني=ونهايتي بينة بالعقل معروفه
بموت وإلا بجن ولا تجادلني=ما دام روحي بجند الهم محفوفه
أنا فداياك كلي يا مغربلني=روحي من أعوام مني جتك مخطوفه
الليلة الشوق والهجران زلزلني=والروح مما دهاها حيل مشعوفه
التميز
الإهداءات
محمل النسيان !!!
رد: محمل النسيان !!!
