عنيت منطوقي وعنيت روحي !!!

طابت اوقاتكم

يا اهل الهوى والحسن والطيب والذوق=إن كان مليتوا من الحب والشـوق
قولوا بأمان الله ترى الصدق مصدوق=خلوني أرمي بالأمل وأحضن اليـاس
انا تعبت انطر تطيب الجروحي=وأثر مواجيع الهوى ما تروحي
عنيت منطوقي وعنيت روحي=ضاق الصدر والصدر ضيق للأنفاس
مرت سنين ولا تغير بنا شي=الوضع أشوفه قام من سي في سي
نشرب عطش ونقول يا ساقي المي=متى تبل كبودنا شربة الكأس
الصبر جاوز ياهوى البال حده=والقلب باقي ما يبيح لسده
من شأن عين اللي تولع بوده=ما يكشف أسراره على باقي الناس
أون وأكتم ونتي جوف صدري=من خوف عذالي عن الحال تدري
وأقول يا قلبي تصبر وبدري=بكرة يزين الحال من عقب الأتعاس
يرجع حبيبي والليالي يزينن=وأرواحنا عقب المواجع يطيبن
نهنا بباق العمر ساعات يكفن=تشفي جروحٍ(ن)بالحشا مالها قياس
وإن كان ما عود وحده زمانه=على الغياب بحفظ ربي وأمانه
مافيه غيره يستحق لمكانه=بالخافق اللي خصه بنبض وإحساس
أقول لأهل الحسن والطيب والذوق=منكم ترى ما أمل ويزيد بي شوق
يامرحبا عودوا ترى الصدق مصدوق=خلوني أحضن للأمل وأرمي الياس

صح لسانك مدد ماهو عدد


تقبل التحية

صح لسانك وسلم بنانك اكثر من ابداع يعطيك العافية

صح لسانك ولا هنت شاعرنا روووهة تسلم الايادي

صح لسانك واعتلا شانك ابداع لله درك


احترامي والتحايااااا

روووعة يعطيك الف عافية شاعرنا وصح نبضك

صح لسانك ولا هان راسك


ابداع يتجدد


تقبل التحية

رائعة من روائعك صح لسااااااااااااانك

صح لسانك واعتلا شانك


ابدعت لا هنت


تقبل التحية

صح لسانك وفيت وكفيت لا هنت ايها النشمي