الله وحده يعلم بكل ما كان !!!

الشاعر سعيد النعيمي شاعر البحرين

شرفنا بالإنضمام لركاب قوافلنا

وطرح أول قصيدة له بهذا القسم بعنوان

الانسان يفهم ما حوى قلب الانسان

على الربط أدناه
http://www.alqwafel.com/vb/showthread.php?t=20796

فحبيت أن أصافح أول قصائده بقوافلنا بهذه المجاراة المتواضعة

علها تلاقي استحسانكم وترقي لمستوى قصيدته والمعذرة سلفا من التقصير

فقد كتب القصيدة على عجل

الله وحده يعلم بكل ما كان=كرَّم بني آدم بعقل ونضارة
الواحد الفرد الصمد رب الأديان=اللي أمات أهل الكهف بالمغارة
ما فيه سلطان غلب فوق سلطان=رب الخلائق يا جميل العبارة
في ماضي الأزمان وبحاضر أزمان=يعلم بكنه الشيء عقب إندثاره
والموعد الموعد ليا حط ميزان=في يوم ما به بالنشاما نعارة
بالموعد اللي فيه جنة ونيران=كلٍ(ن)على ما قيل بين عواره
بيحاسبه ربه على سرقة أعيان=يقتص للمظلوم من ظلم زاره
يوم الضعيف يصير سيد وكسبان=والخاسر اللي كان صاحب أمارة
الزود مهما كان تاليه نقصان=لا تأمن الأيام فيها إستدارة
والعمر مهما طال تاليه جثمان=الكل راحل لو عزيزة دياره
لا لفته من بعد عزته الأكفان=وإنشال بالصنوق عقب الغمارة
مهما بلغ في حب دنياه بإدمان=ماشي وقبله باللحود اختباره
وأما نجا وإلا وقع جوف بركان=تحرق عظامه من لهيبه شرارة
من عقب هذا لا توجع كحيلان=العمر كله والحياة إستعارة
لا يحزنك منهو فقد مال وأوطان=وإلا غدا مجهول ما له سفارة
لن سدت البيبان ينفك بيبان=دنياك هذي ما تساوي سجاره
الكل فيها يا بن الأجواد تعبان=ما فيه كبد إلا تعاني مرارة
حتى الرسل لاقوا من الناس حقران=والله بعثهم للخلائق منارة
المصطفى مبعوث للإنس والجان=رموا على دربه بشين القذاره
صبر وأعزه خالقٍ(ن)كل الأكوان=أحسن لجاره عقب ما أذاه جاره
نصره ربه بعد من قومه إنهان=الله عوين لكل عبد استجاره
حماه ربه من مكيدات عدوان=حتى فرض على خصيمه وقاره
وشلون عاد اللي معه الف شيطان=خلفه وأمامه من يمين ويساره
أكيد بيسوي من الباطل الوان=حتى لو إنه ما يساوي دبارة
على قلوب أهل الطغى ملبد الران=ما ينتهون عن الخطأ بالنذارة
لن زانت الأيام ياسعيد ظفران=كلٍ(ن)نفخ ذربه وبرز لزاره
لكنهم يا سعيد بالوقت ذلان=يا طيبهم عند الحكي والطرارة
ذولا بعكس أهل الشجاعة والإحسان=اللي لهم في كل حال إنتصارة
قومٍ(ن)تعدل الميل في كل ميدان=درع العذارى لن تناخوا لغارة
ما ينحرون إلا نقيات وسمان=وليا طلبت الشور تلقى إستشارة
عز الخوي والجار وتعز ضيفان=من دونهم يغدون شبه النمارة
ما يحسبون حساب زودٍ(ن)ونقصان=ركائزٍ(ن)مثل ركاز العمارة
ما يتبعون الوقت لن زان وإن شان=الساس ثابت مثل بني الحجارة
روس العرب يا سعيد يسوون عربان=رجاحة المقول غير الكوارة
قلته وأنا بالشعر داين ولا أندان=ما أحط من دون النواصي ستارة
الله وحده يعلم بكل ما كان=كرَّم بني آدم بعقل ونضارة

الله الله ياعذوبة الشعر

صح لسانك ونبضك مدد بلا عدد شاعرنا القدير و علي مجاراتك الفاخرة

ولاهنت على اتحافنا

دمت ودام لنا حضورك وابداعك .

تحيتي وتقديري لك .

الشاعر القدير بن هليل حضور راقي برقي حرفك من شاعر متمكن فانا هنا حضيت بشرف هذه المجاراة الجميلة والتي يدل مضمونها على ماتحمل هذه الهامة الشعرية المتفردة بقوة وجزالة المعنى
شكراً للمجاراة وللمتابعة وللتكرم بحضورك المميز دمت ودام رقي عطاءك الزاخر

الله الله


قصيدة شامخة مبنى ومعنى صح لسانك


تقبل التحية

ما شاء الله


معلقة شعرة

قصيدة جزلة


صح لسانك

الأستاذ بن هليل / صح لسانك ملايين

شاعر يقنص خيول القافيه بفكرا

تحية لمتصفحك لا تشبه إلا ابداعك

صح لسانك وبيض الله وجهك جزلة من جزل


مجاراة تماثل قصيدة سعيد النعيمي

الله يعطيكم العافية

صح لسانك


قصيدة شامخة


بيض الله وجهك يا مبدع

يا سلام عليك معلقة راقية صح لسانك


ابدعت لا هنت

يا سلام عليك يا استاذ الشعر


ما شاء الله


مجاراة راقية لله درك