يا شارب التبغ عجل قوم كسرها !!!

بسم الله الرحمن الرحيم


كثير منا يصبح أسير لعادة من العادات السيئة ...ومن بينها عادة التدخين

والتي نقع فيها إما جهلا منا بضررها او حبا للتجربة وبالتالي تنعكس وبالا علينا

ولكن العاقل من إتعض بنفسه قبل أن يتعض بغيره



واليكم هذه الأبيات أهديها كنصيحة عن تجربة للمدخنين ... وقد قال المثل اسأل مجرب ولا تسأل طبيب

جربت الأيام ماضيها وحاضرها=عرفت فيها مرار وشفت حاليها
لو زانت أيام غداره مخاطرها=مخلوطة(ن)رخصها مع جنب غاليها
مر(ن)تسايرك ومرار(ن)تسايرها=لكنها ما تجامل من يواليها
ومن ضمن ما شفت فيها وأتذكرها=شجرة بليس اللعينة قطع تاليها
أخذت لي عمر وأحرق في سجايرها=لا ريح طيب وروحي صرت باليها
كنت أحسبني زعيم(ن)يوم أعمرها=كل المخابي معبيها وماليها
حتى غدا وجهي أسمر من مأثرها=كرهت نومي وزادي صرت ساليها
بعد عرفت الضرر قررت أدمرها=ملعونة يا عسى الله لا يخليها
يا شارب التبغ عجل قوم كسرها=الحق على النفس قبل الضر يخليها
قدام صحتك تغدي من جرايرها=لا تشعل النار في صدرك وتصليها
تحرق فؤادك ومالك وأنت خابرها=التهلكة جوز عنها لا تكاليها
ثبت ضررها عسى الله لا يكثرها=لكن شيطانها بالخبث طاليها
ملعونة(ن)واللعن يلحق لتاجرها=واللي يروج لها واللي يعليها
هذي نصيحة وأنا ماني بذاخرها=لا تصير في يوم واحد من مواليها

نصيحه قيمه من مجرب عسى الله ان ينفع بها ويجعل ثوابها في ميزان حسناته تقبل اعجابي بكل ود واحترام

اقتباس : المشاركة الأصلية كتبت بواسطة راع الصدق [ مشاهدة المشاركة ]

نصيحه قيمه من مجرب عسى الله ان ينفع بها ويجعل ثوابها في ميزان حسناته تقبل اعجابي بكل ود واحترام

بارك الله فيك.....سعدت بردك الطيب الحياة دروس نتعلم فيها الضار والنافع


وعلينا أن نعلم غيرنا ما تعلمنا لعلهم ينتفعون به


لك خالص تحيتي

صح لسانك وبيض الله وجهك



لا بارك الله فيه



ما قصرت بهذه النصحيحة



تقبل خالص الود

صح لسانك وبيض الله وجهك



قصيدة راقية وتعالج داء استشرى بالبشر


بارك الله فيك

صح لسانك وبيض الله وجهك



أحسنت بطرح مثل هذه النصيحة بارك الله فيك

صحّ لسانك أخوي بن هليل واعتلا شآنك
نصيحة قيِّمة في وقت لا تجد فيه ناصح
من القلب إلاَّ فيما ندر
لك مني فآئق الإحترام
وتقبل مني تواضع المرور

صح لسانك وبيض الله وجهك



ابدعت فيما دونت



تقبل خالص التحية والاحترام