ما بعد الطلوع إلا النزول
ليت الأعمار ترجع مثل ما كانت=بالليالي ينشطنا مسامرها
مير الأعمار من زود الشقا شانت=الزمن والشقا بالحيل دمرها
ما هقيت السنين تشنين لن زانت=مير شانت ورب الكون غيرها
يا ظروفٍ(ن)علينا توها فانت=سود الأيام تكشف لي مخابرها
الليالي علينا دوبها شانت=ذي مقادير رب العرش دبرها
الشواهد علينا واضحة بانت=جات من غير لا واحد يدورها
القدم في خطاها بالمشي دانت=خطوة المشي ضعف الساق قصرها
قوة العظم من بعد القسا لانت=الهوا لو يلف الساق كسرها
العصا شكلها يا مشيتي حانت=الدروب العسيرة صرت ما اقدرها
ما بقي غير نفسٍ(ن)ما بعد هانت=عزة النفس ما شيءٍ(ن)يكدرها
لو الأيام من بعد الوفاء خانت=ما تنزل دموعي من محاجرها
ليت الأعمار ترجع مثل ما كانت=بالليالي ينشطنا مسامرها
التميز
الإهداءات
عزة النفس ما شيءٍ يكدرها !!!
رد: عزة النفس ما شيءٍ يكدرها !!!
