نادوا رباح

مساكم الله بالخيرات والمسرات


الليلة الطاروق مختلف على لحن أخر محاورة للشاعر مطلق الثبيتي قبل وفاته

فقط أضفت الموال

الموال قفلته بنفس لحن الطاروق الرسمي للمحاورة

يااهل الكويت اللي محاذيكم قطر=الدرب سيدا بينكم على قطر
عشرين عامٍ(ن)مانزل فوقه قطر=والمفتي أفتى كل حربي جاز قتله

نادوا رباح إن كان يعرف وش وجوبه=واللي يقصر يقتصر مالي وماله
بعض البشر حلال ناخذ منه ثوبه=وبعض البشر حرام نأخذ من حلاله

هلا. مساء الخير . ابو حازم. صح السانك .والمعذره الأن عندي شغل ضروري ساعه كذا وجاي ان شاء الله للعب معك على هالطاروق الطيب.

الله الله

عاش ابن هليل عاش

صح السانك يالامير

لله درك ياابا حازم على هذه البدعه الكايفه ونحن بشوق لرد المبدع الشاعر رباح لكما تقديري وانا متابع للابداع والجزاله

صح السانك وصح السان رباح متابع

اسف على التأخير. والموال والله مدري انا ضبطته والا لا لكن استلم واذا فيه خطاء قلي

ياهل البلاد اللي عليها كل عام
شيآ خصوصي وشي قيل يكون عام
وماكل سباحآ مع الغبات عام
المفتى افتى ماش حربيآ تختله
رباح مايظيع يابن ثابت دروبه= مايقصر الا من قصيرات حباله
ومن كان دمه فيه من دم العروبه=يعمل على نبذ التخلف والجهاله

هلا بكل من حضر ...... ابو مشعل . كيف حالك راس العرب نام على ماقال المري

لا اله الا الله وحده لا شريك له الملك وله الحمد
يحيي ويميت وهو على كل شيء قدير
أصبحنا وأصبح الملك لله

تأخرت طال عمرك ماهقيت انك من سواريات الليل

ههههههههههههههه

لكن عاد جاك فال الصبح وفال الصفح ما ينكره لو كان ؟؟؟؟؟؟؟؟

لقيت لك بالدرب جرة والأثر=ماهو مسجل في سجلات الأثر
شكيت فيك إنك محرف للأثر=المفتي أفتى كل حربي جاز قتله

رباح مايدري عن اللي في جيوبه=شكل النظر قاصر ولاينظر قباله
الحربي اللي خالف لمذهب حروبه=الظاهر إنه عايشٍ(ن)برا لحاله

اقتباس : المشاركة الأصلية كتبت بواسطة binhlailبن هليــل [ مشاهدة المشاركة ]

لا اله الا الله وحده لا شريك له الملك وله الحمد يحيي ويميت وهو على كل شيء قدير أصبحنا وأصبح الملك لله تأخرت طال عمرك ماهقيت انك من سواريات الليل ههههههههههههههه لكن عاد جاك فال الصبح وفال الصفح ما ينكره لو كان ؟؟؟؟؟؟؟؟ لقيت لك بالدرب جرة والأثر=ماهو مسجل في سجلات الأثر شكيت فيك إنك محرف للأثر=المفتي أفتى كل حربي جاز قتله رباح مايدري عن اللي في جيوبه=شكل النظر قاصر ولاينظر قباله الحربي اللي خالف لمذهب حروبه=الظاهر إنه عايشٍ(ن)برا لحاله

ههههههههههههههههههههه
مايسري بالليل الا الذيب . اجل فال الصبح ..... . يعني اسأل ............ولا تسأل طبيب

مرات الشك انك عبيطآ تعبط
ياللي على بعضك ليانآ تعبط
واثرك على الأبهام حيره تعبط
ابن هليل صادرن فتوى بقتله

اللي يعيب بالخلايق من عيوبه= مثل البنا اللي حاينآ حزة زواله
ابن هليل لو ينفخ في ذروبه= مطلوب للمنصوب في حكم الكفاله

الله يفحمك يابن هليل هههههههههههه
اذا لحنت الموال ضعيت لحن الشيله واذا لحنت الشيله ضيعت لحن الموال.