عامين مرت عقب ذيك العشيه !!!

الليلة أشوف المنتدى به حضور شاعري

فحبيت أمطر قلوبهم بهذه الأبيات علها ترقى للذائقة

عامين مرت عقب ذيك العشيه=ما كنها بحساب الأيام عامين
لازلت فاكر يوم قبل عليه=ولا زلت فاكر نظرة العين للعين
وإن طال عمري لو تعديت ميه=لا يمكن أنسى يامكيد المزايين
حتى لو إني صرت عنك بنحيه=الروح عندك لين منها تملين
على عهدنا دامت الأرواح حيه=ما أبدلك بالغير يا كامل الزين
يانبض قلبي يانظر في عينيه=تدرين وإلا بَعْد ماأنتي بتدرين
إنك غرامي دون كل البريه=تسوين عندي بالعذارى ملايين
كل نبضةٍ(ن)من شوق بالقلب فيه=تشتاق لك وأدري بحسي تحسين
ياغالية ليت الأمر في يديه=قسم برب الخلق لجيك ذا لحين
بنفس المكان اللي جمعنا سويه=أما تطيب جروح وإلا تزيدين
لكن ظروف الوقت فوقي قسيه=حال البعاد وحدني نازح البين
ليت العشايا كلها دوم هيه=عصريةٍ(ن)جابتك لأجل تمرين
أنا على شوفتك نفسي شفيه=وأهم منها يا هوى البال ترضين
وأهم من هذا وهذا وذيه=أخاف لن طال الزمن يوم تنسين
أما أنا ماعشت يالأجوديه=على العهد ماأنساك وأنتي تعرفين
حولين عدت مانسيت المسيًه=اللي جمعتنا دونها حال حولين
عامين مرت عقب ذيك العشيه=ما كنها بحساب الأيام عامين

الله الله على الروعه والابداع
صح السانك مليون ولايكفون

يا سلام يا سلام



من روائعك المتكررة


صح لسانك

ابداع وامتاع يستحق الاشادة



صح لسانك

صحيت وصح منطوقك شاعرنا المبدع ربي ما يحرمنا منك

يعطيك الف عافية




ابداع غير مستغرب

على عهدنا دامت الأرواح حيـه

ما أبدلك بالغير يا كامـل الزيـن

يانبض قلبي يانظر فـي عينيـه

تدرين وإلا بَعْد ماأنتـي بتدريـن

إنك غرامـي دون كـل البريـه

تسوين عندي بالعذارى ملاييـن

كل نبضةٍ(ن)من شوق بالقلب فيه

تشتاق لك وأدري بحسي تحسين

ياغالية ليت الأمـر فـي يديـه

قسم برب الخلق لجيك ذا لحيـن

بنفس المكان اللي جمعنا سويـه

أما تطيب جـروح وإلا تزيديـن

من على أريكة الشوق يأتي طوفان الحب و المحب دائما كريم مع من يهوى
مهما تكلفت روحه من باهظ الشعور..
شاعرنا العذب الأستاذ بن هليل : صح نبضك والقلم

صح لسان شاعرنا بن هليل
تحية طيبه

صح لسانك يا مبدع القوافي



قصيدة تعد من الطراز الأول

قصيدة رائعة بحق



ابداع غير مستغرب



صح لسانك واعتلا شانك