ابن هليل نبا الحق وانت قاضي

سلام لشيخنا الفاضل--معلمنا له التبجيل= سلام (ن)للفضا يعبره ويصافح مجراته
قضاة الحق ماتخطي -- ولاترضى علي الميل= وانا جتني خطيه والحضور اللي حضر جاته

حياك الله يا راع الصدق



العرب بيقيلون وأنت راز الملعبة


لك استلم

هلا يامرحبا عداد ما خيل وسال السيل=عسى ماشر علمك يا فتى في دعوتك هاته
ترى دعوى بغير ثبوت لو طولت للتفصيل=تعود فوق راعيها وتنشب في ملفاته

وانت وراك ماتقيل يابو عبدالله واستلم

يدوم الك البقا ياشيخ ياذابح سمان الحيل= وانا خابرك رجل(ن) من شيوخ الحق وقضاته
تنظمني مع الشعار وتصفق تقول الليل= وتبلاني بشاعر جاهل(ن) فالصقر وصفاته

راع الصدق / بن هليل

صح السانكم طاروق حامي من بدايتهاا

ما شاء الله عليكم في عز الظهاري تلعبون

بروح بدور اي احد يجي لصف ومتابع لكم

والله يوقيكم وفالكم المليون وسيف القوافل

تقبلووووووو تحياااااااااااتي الخااااااااااااصه

صقر عتيبة

صقر عتيبه الله يسعد ايامك بشرنا عنك وعن صحتك وكيف اختباراتك ان شاء الله زينه تقبل تحياتي

الله الله

تخيرت لك ذيب وأنت جنك تكره العويل=لكن إصبر على ذيب الفريس وقو عضاته
تحزم بالمقمع والسواري والزم الدربيل=وأنا بنصحك لله لا تقرب من مغاراته

الا يابن هليل قر لاتبخس حقوق الكيل= احسبنك تحل العقد وانت تزيد عقداته
نباك تعدل المخطي واثرك انته تبا تعديل= اثرك الداب الاسود في ظلام الليل مسراته

الله الله



صح لسانك

أنا جزعان لاحطك مع اللي يكحلك تكحيل=وأنا خابرك مشعابك ضعيفه بعض كعاته
لكن أبشر لحطك مع خصيم يغربلك غربيل=تظلي عينك تقادح شرر من قو صفقاته

طيب طيب

انا رجال متعافي وفالميقاف اشد الحيل= ولا خوفني اللي في الجبال اوحيت عوياته
لكن انصح رفيقك قبل لايغرق بوسط النيل= تر اه يهف وسط النيل واخرها بروحاته

صح لسانك


حان وقت الصلاة لكن استلم هذين البيتين مجهزهم لك قبل الأذان


وروح صل والله يتقبل من الجميع

توقع لا يجيلك مثل ما جا لبرهة والفيل=وتفضحك العرب والناس هذا الوقت شماته
ترى خصمك يبا يرميك بحجارة السجيل=يا قايد معركه وجنودها بالحرب فلاته