شباب عتيبة الهيلا !!!

السلام عليكم ورحمة الله وبركاته

الليلة ليلة من ليال شباب عتيبة الهيلا

يحتفلون بتخرج الدفعة 39 من كلية الملك فهد الأمنية بالحفل الخاص بقبيلة عتيبة

أجمل التهاني والتبريكات لهم جميعا

هذه قصيدتي بالحفل هذا المساء يلقيها نيابة عني الأبن لعدم تمكني من الحضور

على منبرك يالهيلا تطيب لمثلي الأشعار=يحق لها الفخر لا قمت أغني في منابرها
بليلة من ليالي عزنا غنيتهن إكبار=لنخبة من شباب عتيبة الهيلا بحاضرها
شباب عتيبة الهيلا لهم حقٍ(ن)على الشعار=بحفلٍ(ن)دار فيه الكيف والطيب لمباخرها
شبابٍ(ن)روسهم فوق النجوم وسيفهم بتار=دروعٍ(ن)للوطن في ظل أبو متعب تفاخرها
عيونٍ(ن)ساهرة يبصر بها الممشى عقيد الدار=سيوفه في نهار المملكة تفخر بأكابرها
قديمٍ(ن)قالت الأمثال صقر مدربه صقار=ليا هده يجيب له الطرايد من نواحرها
على نهج الجدود كبار تمشي في طرق كبار=رجالٍ(ن)ما تغير عهدها والكل خابرها
وهذي عادة عتيبة حرار يعقبون أحرار=حصونك يا وطن من سالف الأيام لأخرها
عتيبة يعدلون الميل لا نادى المليك وغار=على جنبه أسودٍ(ن)يرعب الباغي تآزرها
عتيبة لا تناخوا في نهارٍ(ن)ثار فيه غبار=معاديهم بذاك اليوم تقطع حتم دابرها
عضودي لو دحمت بها الجبال الراسية تنهار=فوارس يسبقون الموت قبل الموت ينذرها
عتيبة مكرمين الضيف وتعز الخوي والجار=عن الواجب عتيبة يوم ما ترخي ستايرها
بلا زودٍ(ن)على كل القبائل والجميع أقمار=رجال بالمواقف ما توخر عن مأثرها
تكاتفتا على النهج القويم بعزة الغفار=وصرنا صف واحد راية التوحيد ناشرها
على روس الضراغم رفرفي يا راية الأذكار=على وجهك نقشنا كلمة التوحيد شاهرها
وقفت أمجد الأشبال وأترك للزمن تذكار=أمجد طيب الأفعال والضباط أذكرها
أذكرهم بعهد جدودنا للفارس المغوار=زعيمٍ(ن)وحد الأقطار بالملة مسيرها
وحنا من بعدهم نحفظ الميثاق بر أبرار=نبر أجدادنا والناس ما تخلف سوايرها
نجدد عهدنا وأقول للضباط علم وصار=وطنا ما نساوم فيه والقوم لمذاخرها
عليكم واجبٍ(ن)للدين نهج الصفوة المختار=وطاعة خادم البيتين حاميها وساترها
بعدها يا شباب عتيبة الهيلا خيار أخيار=تهاني من صميم القلب بالمنبر أسطرها
حضوري بينكم تقدير لعتيبة ولأبنٍ(ن)بار=عسى الله يحفظ عتيبة على كثرٍ(ن)يكثرها
عتيبة تاج راسي رافعه طول الزمان شعار=أنا شاعر من عتيبة لكني لست شاعرها
على منبرك يالهيلا تطيب لمثلي الأشعار=يحق لها الفخر لا قمت أغني في منابرها

الله الله


صح لسانك ملياااار


والنعم بعتيبة


والف مبروك لشبابها

صح لسانك ابن هليل والــــــــــــــــف مبروك لشباب الهيلا

مشكوووووور والله يعطيك الف عافيه مبرووووووك من الاعماق للخرجين
وصح لسانك مليون ولايكفون مبدع يابن هليل

اولا/ بيض الله وجهك على هذه القصيده

الوافيه في تهنئة ابناء قبيلة عتيبه الهيلا

اسال الله ان يوفقهم ويعينهم على حمل هذه

الامانه ..واعزيهم في فقدان شهيد الواجب

العقيد عبدالجليل العتيبي رحمه الله

ثانيا / التهنئه الخاصه لك انت استاذنا الغالي

ولابنك على التخرج والتعيين الف مبروك

لك تحيتي وتقديري الخاص

صح لسانك وبيض الله وجهك



والف الف مبروك

رووووووعة


صح لسانك والف مليون مبروك اجمل التهاني القلبية

اجمل التهاني والتبريكات



وصح لسانك مليون ولا يكفون

صح لسانك


وفقهم الله

تقبل التقدير

الله الله


صح لسانك مليااااااار


والف مبروك لعتيبة