قصيدة: حساب الفلك

قصيدة راشد الخلاوي في الفلك حساب النجوم

قال الخـلاوي والخـلاوي راشـد = عمر الفتى عقب الشباب يشيـب
حسبت أنـا الأيـام بالعـد كلهـا = ولا كل من عد الحسـاب يصيـب
حساب الفلك بنجم الثريا مركـب = يحـرص لـه الفـلاح والطبيـب
فالى صرت بحساب الثريا جاهـل = ترى لهـا بيـن النجـوم رقيـب
الى غابت الثريـا تبيـن رقيبهـا = والى اطلعت ترى الرقيـب يغيـب
والى قارن القمـر الثريـا بحـادي = بعد احد عشر عقب القران تغيـب
وسبع وسبع عد له بعـد غيبتـه = هذيك هي الكنـه تكـون مصيـب
ومن بعدها تطلع وبها القيظ يبتدي = وتاتي بروق ولا يسيـل شعيـب
والى مضى خمس وعشرين ليلـه = ثقل القنا من فـوق كـل عسيـب
وتطلع لك الجوزا وهي حنة الجمل = وتاتي هبايـب والسمـوم لهيـب
والى مضى خمس وعشرين ليلـه = يطلع لك المـرزم كقلـب الذيـب
والى مضى خمس وعشرين ليلـه = يظهر سهيل مكـذب الحسيـب
والى مضى خمس وعشرين ليلـه = تلقـا الجـوازي طردهـن تعيـب
والى مضى خمس وعشرين ليله = ليلـه نهـار وتجتلـد وتليـب
والى مضى خمس وعشرين ليلـه = لا تامـن المـا صيبـه صبيـب

سلمت سيدي وسلمت اناملك الذهبيه

اردت ان اكتب الكثير ولكن قلمي ينحني

وسأكون دوما مع موعد لذالك الجمال

دمت بهذا الالق

مشكور على النقل الرائع



قصيدة قمة بالسبك



لك خالص التحية

مشكووور على النقل الرائع

قصيده رائعه تعبر ويستفيد منها الحسابه

وبالذات البدو والمزارعين

لك تحياااااااااااتي الخاااااااااااااصة

مشكووووووووووور يالغالي على روعه اختيارك

ولاهنت



تقبل مروري

ابدعت في الاختيار

بيض الله وجهك

قصيده جزله

تقبل تحياتي