حان الوداع وساكب الدمع مدرار

قصيده لي كتبتها منذ زمن بعيد ..لما كان عمري15..في احدى معلماتي..

وهاأنا أطرحها أمامكم ..

واتمنى ان تنال استحسانكم..

يالله ياعالم خفيات الأسرار=وجمعتنا من كل صوب وحاره
ياخالق الجنه وياخالق النار=فيك اجتمعنا لالدنيا الحقاره
أرجوك تجمعنا بجنات وانهار=مع سيد الأبرار راعي البشاره
بالأمس ياأستاذه شروحات واذكار=وتسميعك القرآن فن وشطاره
وبالأمس ياأستاذه معك داخل الدار=وماتزرعه يمناك تجني ثماره
وحان الوداع وساكب الدمع مدرار=عليك يارمز الوفاء والطهاره
مهما كتبت وقلت من نظم الاشعار=واظهرت حبي في صريح العباره
مااوفيك حقك لو تجرعت الأمرار=ودعيت بالتوفيق سر وجهاره

شوق القصيم



لله درك على هذه الدرة الجميلة



صح لسانك يا شاعرتنا المبدعة



بنتظار مزيدا من الدرر الجميلة


لك خالص التحية

شوق القصيم

صح السانكٍ قصيدة جميلة مميزة درر من درر التاريخ

وننتظر جديدكٍ وفااااااااااالكٍ المليوووووووووووون

تقبلي تحياااااااااتي الخااااااااصه

صقر عتيبة

صح لسانك يالغاليه

قصيدة جميلة


انتظر جديدك

شوق القصيم

الدنيا تجمع وتفرق
وابدعتي في وصف الحال

صح لسانك يالغلا وننتظر الجديد لا عدمناك

شوق القصيم



لله درك أبيات رائعة وهذه وأنتي عمرك 15


فأكيد الأن لديك قصائد أجمل وأروع


ننتظر المزيد من الإبداع



لك خالص الود

ما شاء الله عليك



شوق القصيم




شاعرة وما درينا




صح لسانك مدد ما هو عدد

يالله يا يا منزل تبـارك والأذكـار=يا حافظ المبعوث في جوف غـاره
ياللي على خلقك رقيب(ن)وستـار=كل كوكب(ن)حددت شنهو مسـاره
تحفظ لنا الحـرة وبنـت الأحـرار=اللي بنظم الشعـر تبـدي مهـاره
أعجبني الطاروق وجيـت سيـار=أبيات حلوة مـا خلطهـا مـراره
قاف جميل لعاشق الشعر ينزار=فيه الأدب والذوق باين شعاره
وعزفت من فكري على لحن الأوتار=رد(ن)مناي يكون فيـه النضـاره
ماهو خفي مكشوف لكل الأنظـار=ماني من اللي يندرق فـي ستـاره

أتمنى أن أكملها قصيدة فيما بعد لتكون مجاراة لقصيدتك


ننتظر المزيد مما تفيض به قريحتك


لك خالص تحيتي

شوق القصيم



صح لسانك أبيات رائعة بروعة ذوقك لا عدمناك

شوق القصيم

صح السانكٍ قصيدة رااااائعه

تستاهل المعلمه هذه الدره الجميله

من علمني حرفآ سرت له عبدآ

الله يعطيك العافيه

تقبلي تحياتي

كل الشـــكر موصول.. لمن طــل..
ولـــــمن دوّن لمساته..في صفحتي...
صحت ابدانكم..وحفظكم الله ورعاكم..
ودام على طريق الخير ممشاكم..

أستاذنا بن هليل ..صح لسانك على ابياتك الرائعه..واعتذر عن الرد ..سمح لي من قبل الأهل
تنزيل قصيدتي ومنعت من الرد على أي قصيده(واحترم رأيهم )
..سأدون ردي وان تم السماح سأقوم بتنزيلها..