مرحوم حب مات !!!

الأبيات

البارحة ليلي معاناه وهموم=سوت على قلبي همومي دواير
كله من اللي منه يا حظ محروم=أرسل عليًه بالجفيا نذاير
أرسل على قلبي مواجيع وسهوم=صارت هجوسي من سهومه عثاير
كلام لكنه بضيقته ملغوم=خلا وسيع الصدر فيني دماير
مرحوم حبٍ(ن)مات من حكي مرحوم=فعلة كبيرة حيل وأم الكباير
وأنا أشهد إن الهرج لن صار مسموم=يذبح لو إنه مزح مثل الذخاير
ليته طلب للعذر وأكون ملزوم=قدام يبني مشكله من صغاير
يا بنت ياللي حبها لي مقسوم=بنيت لك بالجاش قصر وعماير
لا تذبحين الحب بالشك واللوم=خليه يبقى حي وسط الضماير
وإن كان مليتي فأنا فيك مغروم=وكلٍ(ن)يرى بصره خيار البصاير
ما والله أرخص للغلا دايم الدوم=اللي سكن قلبي خدين السراير
ما عاش دون الكل مكرم ومحشوم=تفداه روحي والعقل والفكاير
لا من ذكرته طار من عيني النوم=نهب لقلبي والعقل جاه طاير
لو دونه الأميال وسهول ورجوم=ما ردت الهاجوس والشوق ثاير
أجيه لو دونه مناعير وقروم=وأعطي على شوفه جزيل البشاير
أتعب على شأنه بريحه مخدوم=أقول وأفعل حق ست الحراير
لأجل غلاها ترخص رقاب وخشوم=ومن شأنها شعري يهل العباير
يبكي عليها الشعر والقلب مكلوم=أنا وشعري تابعين السواير
هذا السنة والعام والليل واليوم=أسدلت ياحرمان دونه ستاير
البارحة واليوم والدوم مهموم=سوت على قلبي همومي دواير

صح لسااااااانك


ابداع لا يستغرب من استاذ الشعر

الله الله عليك شاعرنا المبدع دائما"

صح الله لسانك ملايين

قصيدة جزله من شاعر جزل

تقبل وودي وتقديري،،،

صح لسااااااانك مليون ولا يكفون

صح لسانك مدد ماهو عدد


تقبل التحية

صح لسانك واحساسك ربي يسعدك يارب

روعة صح نبضك شاعرنا المتالق

صح الله لسانك ابدعت ﻻ هنت موفق

صح لسانك واعتلا شانك



ابدعت وامتعت


تقبل التحية

صح لسانك شاعر الابداع


تقبل مروري والتحية