على موعد لقا حبك أجي ملهوف

اخترت لكم من مفضلتي

يارب تعجبكم...الشاعر ما أعرفه اللي يعرفه يكتب اسمه برد

على موعد لقا حبـك أجي ملهـــوف تـلـقـانــي=
عيونٍ بالوفا تشــرق ..وقلبٍ للهــــوى جذّاب=
شموعي بالفرح تضوي .. ويزهـر ورد بستاني=
وعيني بلاك ما تقوى تعيش بلا نظر واصحاب=
تذكرت اللقـــا الأول .. غرامٍ شــب باحضاني=
غريبة كانت عيونك .. بها شوقٍ يــداري عتاب=
وهمسك صاحب انفاسك ونبضك حرّك اشجاني=
وكفك .. يا دفا كفك .. يصحـي بي حنين أحباب=
وكحلٍ باقي بخـــدٍ .. عجزت انســـى وينساني=
بقالي من مواعيــدك .. يخـــالط دمعك المنساب=
بوسط كتاب للـذكرى ..كـــتبـــت أهواك ..تهواني=
وبيتٍ في ظهر صورة .. ونقـــشٍ في زوايا الباب=
قلادة تحمل حروفـــــــك .. تثير اشواق وجداني=
حبيبي ما ني بناسي ولـــــــو كان الزمن غرّاب=
مضى ميعادك الأول .. وجا ميعـــــــادك الثاني=
وأنا بعدي على حبّك .. غزلــت من الهيام ثياب=
على موعد لقا حبك اجي ملهــــوف ..لك عاني=
هدية كل عمري لك .. كــفـــاني ..لا تزيد غياب=

رووووووووووعه

يعطيك العاافيه ياروح القصيد

احسنتي الاختيار كلك ذوق يا راقية

قصيدة ولا اروع



صح لساااانك

صح لسان القايل والناقل




تقبلي التحية

ياسلام على الذوق الراقي تسلم الايادي

تسلمي ياروح القصيد ع الاختيار الرائع

شكرا لمروركم الطيب وردودكم العذبة ربي ما يحرمني منكم

روح القصيد اختيار جميل لاهنتي

صح لسانك ولسان شاعرها

صح لسان الشاعر والناقل


موفقة