ياعادل الليله نبا المسرى على الدار البعيد

سلام ردية وفا والله يدبر مايريد= ننصا به اللي عزوته حب الكرم عذروبها
ياعادل الليله نبا المسرى على الدار البعيد= وانته خبير(ن) فالديار ولا تغر دروبها

صح لسانك يا بو فواز


بدعة وافية من وافي بيض الله وجهك


بنتظار عادل....عسى ما يطول


والمعذرة غيرت العنوان....عشان الأرشفة بقوقل لأنه يستبعد العناوين المكررة


والله يعطيك العافية


لك خالص تحيتي

الله الله يابو فواز

مــــبدع دائمآ بدعه وافيه

الله بيض وجهك

تقبل تحياتي

وجهك ابيض ياابن هليل ونشكر مرورك العطر سعدنا والله بتواجدك وحرصك ومتابعتك الغير مستغربه

ومافيه مانع ازين ماسويت تقبل تحياتنا جميعا بكل ود واحترام

اقتباس : المشاركة الأصلية كتبت بواسطة راع الصدق [ مشاهدة المشاركة ]

سلام ردية وفا والله يدبر مايريد= ننصا به اللي عزوته حب الكرم عذروبها ياعادل الليله نبا المسرى على الدار البعيد= وانته خبير(ن) فالديار ولا تغر دروبها

صح لسانك واعذرني على التاخير لعدم القدره على التنسيق

يامرحبا في ليلة(ن) ماكنها الا ليل عيد ,,,,,,,,,,, دوب المعاني حولت فوق القوافل دوبها

قال المثل مال الحديد الا قويات الحديد,,,,,,,,,,,,جاتك رساله واضحه ياذيب من مكتوبها

ابن هليل



ابو عبدالرحمن



مشكورين على متابعتكم ولاهنتوا


وامسكوا الصف ههه

دام البقا ياراعي الطالات والراي السديد= دام المعاني حولت نكرم جناب وجوبها
عنوانها مفهوم قبل يجيبها ساع البريد= والشاذليه دوب زان الهيل في مشروبها

اقتباس : المشاركة الأصلية كتبت بواسطة راع الصدق [ مشاهدة المشاركة ]

دام البقا ياراعي الطالات والراي السديد= دام المعاني حولت نكرم جناب وجوبها عنونها مفهوم قبل يجيبها ساع البريد= والشاذليه دوب زان الكيف في مشروبها

مادام راسي مرتفع والدم يجري فالوريد ,,,,,,,,,, ماني ملبسها ياجاري ثوب ماهو ثوبها

يابن حميد لن بغيت الصدق والعلم الاكيد,,,,,,,,,, ام الصميل اللي تخض الروب حامض روبها

ام الكباير يارجل لوتلبس الثوب الجديد= تبقى على جنس اسمها كل(ن) يشوف عيوبها
اللي تخض الروب باذن الواحد الباري تهيد= ان ذاقت العلقه ماخضت حامض(ن) بغروبها

بيض الله وجيهكم


متابع ....واصلوا لا هنتم


لكم خالص تحيتي