يا ذئب وش بك !!!

أسعدكم الله

الأبيات بدون مقدمات


..........

يا ذئب وش بك تالي الليل تقنب=من جوع وإلا فاقدٍ(ن)لك مواليـف
ماني بعارف ويش يا ذئب تطلب=وش علتك تعوي بذا الليل وتهيف
يا ذئب صوتك لج بالسمع والهب=في داخلي جمرٍ(ن)مخبيه ما شيف
يكوي عروق القلب والنار تشتب=خلف الضلوع سنين ما صار تخفيف
وأنا بلاي الحب يا ذيب والحب=سقم الذياب إن كان ما جا على الكيف
عدة سنين القلب بالحب متعب=ناد الوليف وسلوته باقي الطيف
ياليتني مثلك على خلي أرقب=وأجر صوتي يمكن يحن ويريف
مير المصيبة دونه جبال وأشعب=الصوت ما ياصله يا حيف يا حيف
دونه صحاري راعي الجهد تذهب=أنا بسيف وصاحبي عني بسيف
صعبٍ(ن)علي أجيه وإن جيته أصعب=خايف عليه من العواذل وتزييف
ناسٍ(ن)تقول لصادق القول تكذب=لولا ظنون الناس حليت له ضيف
بضيافته لو ميً من كفه أشرب=يكفي لروحي قوت من غير تكليف
شوفته ساعة كل عامين مكسب=حالي نباه بحلة الطيب تشريف
نبرة كلامه للمساميع تطرب=اليا سمعته حل بي موسم الصيف
أنسى همومي والهنا صاير أقرب=أصير في حالٍ(ن)يعجز تواصيف
أصير معجب لو ما كنت معجب=في حضرته مني تزين السواليف
لكن حسافة راح يا ذئبٍ(ن)أشهب=ما عاد تنفع في زماني تحاسيف
أقنب وأنا يا ذئب بون وأقنب=ما علتي من جوع فاقد مواليف

صح منطوقك شاعرتا قصيدة رائعة ما ننحرم

صح لساااااااااانك اكثر من رائع قصيدة راقية

صح لسانك ابدعت وفقك مولاك


تقبل التحاياااااااااا

روووعة تسلم ايدك واحساسك شاعرنا ربي يسعدك

صح لسانك واعتلا شانك احسنت لا هنت لله درك

صح لسانك مدد ماهو عدد


تقبل التحية

صح لسانك ما ترك الشعار شيء ما كتبوا فيه


حتى الذيب ما عتقوه

صح لسانك بدعت كعادتك



تقبل التحية والاحترام

صح نبضك واحساس الراقي روووووعة يعطيك الف عافية