يالله إني طلبتك رحمتك لي نجاه !!!

طابت أوقاتكم

الأبيات كالعادة بدون مقدمات

..........

يالله إني طلبتك رحمتك لي نجاه=ترحم لضعف نفسي يا قديرٍ(ن)كفو
غرني زخرف الدنيا متاع الحياه=أشغل القلب لين أشقاه ثم اختفـو
ما نفعني متاع ولا سلمت الشكاه=المواجع لقلبي بالخساير لفو
مكسبي من حياتي تالي العمر وآه=العروق الطريه والعظام انشفو
آه من عمر روح ما لحق مبتغاه=الأماني تلاشت والمقاصد هفو
رحمتك يا كريمٍ(ن)ما عبدنا سواه=الخطايا كثيرة وأنت راع العفو
تلطف بعبدك اللي معترف في خطاه=وأنت تعلم فعوله كلها ما خفو
لو بصفي فعولي بين خير وغواه=عشرها بالمنافع ظنتي ما صفو
ليت تصفي من الخلة فروض الصلاه=إن صفت لي غنيمة لجرحي شفو
وليت يقبل صيامي حجتي والزكاه=والتصدق من الميسور جزل وعفو
بعدها ما عليًه قد ضمنت الغناه=ما يهم البشر لن واصلوا وإن جفو
يالله إني طلبتك رحمتك لي نجاه=ترحم لضعف نفسي يا قديرٍ(ن)كفو

صح لسانك مدد ماهو عدد



تقبل التحية

صح لسانك شاعرنا ربي يرحمنا جميعا تسلم الايادي

صح لسان واعتلا شانك ابدعت ايها الراقي


جزلة ومعبرة


تقبل التحية

صح لسانك ولا فض فوك ايها الراقي روووعة

صح لسانك رائعة من روائعك لله درك


تقبل التحية

صح لسانك احسنت لا هنت ايها المبدع تقبل التحايااااا

صح لسانك دائما مميز فيما تدون


تقبل التحية

بدعت صح لسااااااااااانك تحياتي

صح لسانك للرضا


ابداع معهود ومشهود