أسعدكم الله
الأبيات بدون مقدمات
...........
الليلة الهاجوس طربان ويشوش=شوش على نومي ولا عاد يناش
ذكرت خلٍ(ن)غاب والكف منقوش=حبه بقلبي ناقشه نقش نقاش
ملك لقلبي بالحلا عين ورموش=يا حلو نظراته ويا حلو الارماش
روح وخلاني كما الحب مطشوش=دمي بعد فرقاه من لوعتي طاش
اصله وفصله حر ماهو بمغشوش=قلبه نقي صافي مثل قطعة الشاش
لا من ذكرته صرت شايش ومدهوش=اصنع من الأفكار شيات من ماش
وأرجع أخليها كما العهن منفوش=قبل شروق الشمس في وقت مغباش
أحلام ليل وذكرياتٍ(ن)لمبلوش=الليل كله تدهج داخل الجاش
بين الرجا والياس والذل والهوش=القلب من ماضي لياليه يعتاش
من عقب ولفه ناد ماعاد بينوش=ضاع الأمل تروين ياكبودٍ(ن)عطاش
درب التواصل صار بالصد مفروش=من عقب كان الورد لوصالنا فراش
الحظ خان ودارت أعمارنا بوش=ما بين كان وليت ضاع العمر كاش
الليلة الهاجوس طربان ويشوش=شوش على نومي ولا عاد يناش
التميز
الإهداءات
شوش على نومي ولا عاد يناش !!!
رد: شوش على نومي ولا عاد يناش !!!
