يا عيوني لاح برقٍ(ن)شاقني فيه العجايب=بالسحاب اللي بعيد العصر نشأ شرق جده
كل ما شفت البروق تلوح في عرض السحايب=ذكرتني بالوليف اللي كما البراق خده
غائبٍ(ن)عني لكنه بالحشا ماهو بغايب=كل صبح وكل لليل أطلب من المولى يرده
من سنين القلب يرجف للهوى ماهو بطايب=والظروف الكايده حلمٍ(ن)بنيته با تهده
التمني ما يداوي حب منه القلب ذايب=ما تداويه المشافي والقرايه وصل حده
المسافة بيننا يا طولها والحظ خايب=كل ما لاح الأمل بوصالنا حظي يصده
الهوى طفله ولد ما بيننا واليوم شايب=ما جنينا من هوانا غير وناته و وجده
ودي بشوفة غرامي ليت نسناس الهبايب=تحمله وإلا توديني لمن قلبي يوده
أمنية صعبة علينا ما على ربي صعايب=سخر الريح لسليمان النبي ماهي بجهده
الله اللي جمع القلبين يا ست الحبايب=قادر إنه يجمع الراسين في ظهر المخده
ما على ربي محال ولا ش في حكمه غرايب=نرتجي عفوه ونطلب رحمته ونريد مده
يا عيوني لاح برقٍ(ن)شاقني فيه العجايب=بالسحاب اللي بعيد العصر نشأ شرق جده
التميز
الإهداءات
لاح برقٍ شاقني فيه العجايب !!!
رد: لاح برقٍ شاقني فيه العجايب !!!
