حاولت اسلي خاطري وأتناساك

أسعدكم الله

الأبيات بدون مقدمات

حاولت اسلي خاطري وأتناساك=لكن طيفك ضيع محاولاتي
في كل فكرة يا بعد قلبي القاك=كل المشاعر تفتديك بحياتي
كل نبضةٍ(ن)بالقلب فيني بتهواك=من مولدي اهواك حتى مماتي
عسى العذارى كلهن من فداياك=يا بسمة ايامي وكامل غناتي
ايام عمري ما تساوي بلياك=يا قاهرة بالحسن كل البناتي
في ذمتي ما عشت ما بقدر انساك=أذكرك حتى في سجود الصلاتي
أذكرك لا من شافت العين لسواك=القاك كلك ساكنٍ(ن)كل ذاتي
ليلي وصبحي كلهن تسمع خطاك=في داخلي عايش صباح ومباتي
واقع هوى في داخلي وأتمناك=ما عدت يابعدي من الذكرياتي
أراك لو إني من البعد ما أراك=هواك في دنياي كل حسناتي
أدور من حولك مثل دور الأفلاك=مجموع فيك ومنك حاصل شتاتي
مقدر أعيش بدون حبك وطرياك=أهواك في بوح الهوى والسكاتي
قلبي وعقلي كلهن تطلب رضاك=ما غيرت بالعشق يوم لوصاتي
عين الرضا ما تبصر إلا مزاياك=حاضر ومستقبل وما كان فاتي
أهواك ثم أهواك وأهواك وأهواك=وشلون ما بهواك وأنت الغلاتي
كلي على بعضي فادايا لعيناك=في صحوة الأيام وإلا سباتي
اللي بقا من عمر بقضيه وإياك=إخذي بقايا العمر من غير هاتي
أعاهدك ما عشت ما والله أسلاك=لين الجسد يصبح حطام ورفاتي
ماني مسلي خاطري وأتناساك=قلبي وفكري تحبط محاولاتي

صح السااااانك يابن هليل ويعطيك العاااااافيه

تحياااااااااتي

صح لسااااااااااااااااااانك


ابداع منقطع النظير

صح لسانك وسلم بنانك ابداع غير مستغرب


تقبل التحية

روووعة صح لسانك ربي يسعدك يارب

قصيدة ممتازة صح لسانك شاعر القوافل

صح لساااااااااااااانك قصيدة ممتازة

يسلم نبضك وصح لسانك وبيانك رووووعة

صح لسانك شاعرنا المبدع رائع

صح نبضك واحساسك شاعرنا ربي يسعدك وما يحرمنا منك