التعامل ياروحي للمحبين فن !!!

بدون مقدمات


اليكم الابيات

...

ليت خلي يحن ويرحم لقلب ون=يجبر لخاطر اللي منكسر في هواه
ياعشيري متى بالله عليه تحن=قلبي انا معك سقمه وعندك دواه
سو بي خير حتى لو طرا لك تمن=المهم إن قلبي لا تزود شـقاه
كافي انه بذاتك ياغلاه انفتن=انت حبه وشوقه وانت كامل غلاه
وإن تباطيت بعلاجه وكاد بيجن=الدوا لن توخر عن سقم ما شفاه
التعامل يا روحي للمحبين فن=وأنت تعرف سلوم العشق يامبتغاه
ما دخلني تجاهك يا هوى الروح ظن=لو قلبي بحلمه ما حصل له مناه
عايشٍ(ن)في حلوم وعايشٍ(ن)في شجن=بين يمكن وليت وبين عل وعساه
عل صبري يهون للقسا والمحن=تضحك أيام عمري بعد طول القساه
من قديم الليال وفي جديد الزمن=أترجى وقلبي ما قطع بك رجاه
أنت للروح روح وللمشاعر وطن=ياغرام الزمان اللي فؤادي لقاه
أنت عشقي وقلبي فيك يلقى سكن=لو حظي عن دروبك بشينه حداه
كل مابي لذاتك يا غلاي إنرهن=نبض قلبي وقلبي فيك ربي رماه
أبيضٍ(ن)مثل شاش ومثل لون اللبن=ما تمنى سواك ولا يحبك سواه
يا شبيه الورود ويا شبيه القطن=أشهد إنك لروحي بالمحبة حياه
المحبة لذاتك مالها من ثمن=يا بعد كل ذاتي يا حسين الشفاه
ون قلبي عشانك داخل القلب ون=ما سكن به سواك ولا تلاقي كماه
ليت خلي يحن ويرحم لقلب ون=يجبر لقلبي اللي منكسر في هواه

صح لسانك واعتلا شانك ابدعت لله درك

صح لسانك واعتلا شانك ايها المبدع خالص التحايااااا

صح لسانك شاعرنا ولا فض فوك يا مبدع

صح لسانك


قصيدة رائعة

موفق

صح لسانك مليون ولا يكفون


تقبل التحايااااا

صح لسانك قصيدة راقية كعادتك


تقبل التحية

رووووعة صح لسانك واحساسك شاعرنا

صح لسانك مليون ولا يكفون ابداع شاعر

دائما تبهرنا بابداعاتك صح لسااااانك