صاحب السيف الأجرب الإمام تركي بن عبدالله:
أما صاحب الأجرب وهو الإمام تركي بن عبدالله بن محمد آل سعود فهو مؤسس الدولة السعودية الثانية ولد العام 1183هـ في الدرعية وهو جد حُكام آل سعود وهو أول من استلم الحكم من فرع (عبدالله بن محمد بن سعود) حيث كان الحكم لفرع عبدالعزيز بن محمد بن سعود ثاني حاكم آل سعود وهما ابنا محمد بن سعود مؤسس الدولة السعودية الأولى، عرف الإمام تركي بشجاعته وقوة شخصيته وعدله ورجاحة عقله وحسن تصريفه للأمور وبويع بالإمامة سنة 1240هـ في الرياض وعارضه عدة قبائل ولكنه تمكن من هزيمتهم مع جميع القوات العثمانية في نجد وأصبحت نجد كلها تحت حكم الإمام تركي بن عبدالله، وتمكن في فترة حكمه من تحقيق الأمن كما ضم منطقة الإحساء خصوصاً بعد معركة السبية التي انتصر فيها ابنه فيصل بن تركي على ابن عريعر سنة 1245هـ وفي يوم الجمعة 30 ذي الحجة العام 1249هـ قتل الإمام تركي في جامع الرياض ومات شهيداً رحمه الله.
طـار الـكـرى عــن مــوق عــيـنـي وفرا=وقـزيـت مـن نـومـي طـرالي طــواري
وابديـت مـن جـاش الحشـى ما تـدرا=واسهـرت مـن حـولي بــكـثـر الـهـذاري
خـط (ن) لـفـانـي زاد قـلـبـي بحرا=مـن شـاكي(ن) ضـيـم الـنـيا والـعـزاري
سر يــا قـلـم واكـتــب عــلى مــاتـورا=ازكا سـلام(ن) لابـن عـمي مـشــاري
شيخ (ن) على درب الشجاعه مضرا=مـن لابـه يـوم المـلاقـــا ضــواري
يـامـا سهـرنا حاكـم(ن) مـايطرا=والـيــوم دنــيـا ضاع فيـها افـتكـاري
اشكـي لـمـن تــشـكـي له الـجود طرا=ضــراب هـامات الـعـدا ما يداري
ياحـيف ياخـطوا الـشجاع الـمضرا=فـي مـصر مملوك لحمرالـعتاري
وش عاد لو تـلبس حــريـر(ن) يجرا=ومـتوجا تاج الـذهب بالـزراري
فدنياك يبن الـعم هذي مغرا=ولا خير في دنـيا تورى النكاري
تـسقيك حلو(ن) ثم تسـقـيك مرا=ولـذاتها بـين الـبريا عواري
اكــفخ بجنحان السعد لا تدرا=فـالـعمر مـايقاه كـثرالمداري
مافـي يد الـمخلوق نفعا وضرا=ما قدر الباري على العبد جاري
واسلم وسلم على من تورا=واذكـرا لهم حالي وما كان جاري
ان سائلو عني فحالي تسرا=قـبـقـب شراع العز لوكنت داري
يـوم ان كل من رفيقه إتبـرّا=حطـيت أن الأجرب رفيقـاً أمباري
نعـم الرفـيـق الـلـي صـطا ثم جرا=يـودع مـناعـير الـنـشاما حـباري
رمـيـت عـني برقع الذل برا=ولا خير فـي مـن لا يــدوس المحاري
يبقى الفخر وانا بقبري معرا=وافعال تركي مثل شمس النهاري
احصنـت نجد عقب ماهي تطرا=مصـيونه عن حر لفح الهذاري
نـزلـتها غصب(ن) بخـير وشرا=وجمعت شمل(ن) بالقرايا وقاري
والـشرع فـيهـا قد مشى واستـمرا=ويقرى بهـا درس الضحى كل قاري
زال الهوى والغي عنها وفرا=ويقضي بها القاضي بليا مصاري
وان سلت عن من قالي لي لا تزرا=نجد غدت باب(ن) بليا سواري
ومن امـن الجاني كفا ماتحرا=وتازي حريمه بالقريا وقاري
واجهدت في طلب العلا لين قرا=وطاب الكرى مع لاسعات الخزاري
ومن غاص غبات البحر جاب درا=واضوت مصابيح السرى كل ساري
وانا احمـد اللي جاب لي ماتحرا=واذهب غبار الذل عني وطاري
والعمر مايزداد مثقال ذرا=عمر الفـتى والرزق في كف باري
وصـلاة ربي عد ماخط بالرا=على النبي ما طاف بالبيت عاري
المصادر:
1- الخبر والعيان في تاريخ نجد، خالد بن محمد الفرج.
2- مجموعة وثائق، مترجمة من الأرشيف البريطاني.
3- مقالة بعنوان الأجرب وأد الفتن في الجزيرة العربية بقلم غالب الذيابي.
4- تاريخ ملوك آل سعود، الأمير سعود بن هذلول آل سعود، الطبعة الثانية 1982م.
التميز
الإهداءات
يو تيوب قصيدة السيف الأجرب مع النص المكتوب
رد: يو تيوب قصيدة السيف الأجرب مع النص المكتوب
