السلام عليكم ورحمة الله وبركاته
اليكم هذه الابيات والتي جاءت على عجاله
ابدعت واجزلت في وصفك واقلك قرار= ولاهي غريبه على شاعر لسانه فصيح
حقيقه الكيف مايصلح بدون البهار= لاصب دوله وظلا من دلاله يفيح
من صافح الدره العصما يجيه انبهار= تحرك الشوق في قلبه لوانه مريح
واللي سمع ماقراها جاه شبه انهيار = وخطر يظلي مع الشارع ثيابه شليح
اعماه عيضه بوصف الفاتنات الحرار = مايلزمه لازم الما لين سده يبيح
من دقة الوصف والمعنى وحسن اختيار= يعمي قلوب العرب لو كان ياصف صفيح
لكن هذي نصيحه ضمها باختصار= حذرا تقرب فتيلك من زناد القديح
ترى ابليس العور يجري مع الدم حار= يوقعك فالتهلكه مار انتبه يافصيح
اما كسبت الاثم والاثم فيه الدمار= والا يضحك علاك اللي تنابح نبيح
لكن ياعيضه اركد ثم رد الستار= غض النظر لايظلي فاالاوادم طفيح
ترى حديث البخاري فيه كل العبار = اقرا حديث البخاري يافتى فالصحيح
حافظ على الشجره اللي مثمره بالثمار= تحمد الله وزبدك يارجل لايسيح
حنا مع العشر نطلب مغفره للعمار= وانته مع العشر ياعيضه تقوم وتطيح
التميز
الإهداءات
مجاراه للشاعر عيضه
