الحمام الزاجل !!!

أسعدكم الله

أبيات على السريع من شرفة الفندق أرسلها لكم

ياطير ياللي بالغصون موقع=يا حلو صوتك يالحمام الزاجل
قرب شوي البعد ذا ما ينفع=محتاج لك تأخذ جوابٍ(ن)عاجل
بربطه بجناحك ورفرف واقلع=وده وهات الرد ما به فاصل
وصله للي بالقصيد مولع=عذب القصائد تعشقه وتغازل
حلو المحيا غصن موز مشعشع=وليف روحي بالمحاسن كامل
تشتاق له عيني وأحب اتسمع=من شفته عذب الكلام بياصل
نبض الخفوق وللعروق يوزع=قلبي وقلبه بينها تواصل
لن جئت عنده فالسلام مربع=وإن غبت دايم بيننا تراسل
لا هو بيقطعني ولاني بقطع=ما بيننا تأمين عهدٍ(ن)شامل
ياطير بلغها قريب برجع=مهما بعدت وكثرت المشاغل
ما أنساه كود الروح مني تطلع=وشلون ينسى من يحبه عاقل
ياطير ياللي بالغصون موقع=يا حلو صوتك يالحمام الزاجل

صح لسااااااانك

ابداع


تقبل الاعجاب

صح لسانك مدد


ابداع يتجدد

تقبل التحية

صح لسانك وبيض الله وجهك ابدعت

رائع لله درك وصح لسانك ونبض احساسك

صح لسانك واعتلا شانك شاعرتا القدير

صح لسانك ولا فض فوك روووعة تسلم الايادي

صح لسانك ابداع من شاعر متمكن


تقبل التحية

صح لسانك شاعر القوافل
امتعتنا .. وجعلت المشاعر داخل الصدر ترتبك

صح لسانك رووووعة ربي ما يحرمنا منك