قصائدي ثكلى على صاحبٍ راح !!!

السلام عليكم ورحمة الله وبركاته

أسعد الله أوقاتكم بكل خير

يطيب لي أن أهديكم هذه الأبيات المتواضعة

علها تروق لكم وترتقي لذائقتكم ويكون لها صدى بمشاعركم

ياللي تبون الشعر ما عاد يحلا=قصائدي ثكلى على صاحبٍ راح
راح الغلا والصمت من بعده أولى=عليه شعري مثل ما نوح نواح
مشاعري من غيبة الود ثكلى=تنزف وأنا في داخلي هم وجراح
لا تحسبون غيابها كان سهلا=ما عاد يهنالي مسرات وأفراح
لو البشر من بعدها قالوا أهلا=ما راق لي ترحيبهم جد ومزاح
غالين لكن الغلا عندي أغلا=هم راس مالي والغلا كل الأرباح
حرام في غيبته لا يمكن أسلا=وأنا أشهد إن الحب بحيان ذباح
أحس وده ينتل القلب نتلا=طيفه يمر بخاطري ليل وأصباح
لكن مهما صار مضمون شكلا=يبقى غرامه سر ما يقبل إفصاح
والمعذرة منهو تعلق بكحلا=مثلي على ما قيل ماقام من طاح
برقب رجوعه لو من حري أبلى=وإن مت قبل يعود تفداه الأرواح
ياللي تبون الشعر ما عاد يحلا=قصائدي ثكلى على صاحبٍ راح

شاعرنا المبدع


صح لسانك ربي يطول بعمرك

رووووووووعة

لك ودي

شاعـر القـوافـل المتآلق

إبن هليــل

هنا نص غيير

وجزالة غيير

ولكن التميز لايتغير

صح لسانك وأعتلا شآنك

هدايا رائعة تخص بها القوافل

شكرآ لهكذا حضور وإبداع

تقبل تقديري

شاعرنا المتألق

صح لسانك مليون


نص راقي مبنى ومعنى

صح لسانك مبدع القوافي


لك تحيتي وتقديري

صح لسانك مليون ولا يكفون


لك ودي وتقديري

استاذنا المبدع

لقد اثريت نواظرنا ومشاعرنا

بجزالة شعرك الذي لايمل

صح لسانك وبيض الله وجهك

لك مني اجمل تحيه وتقدير

صح لسانك مدد

رائعة لا هنت


ل ودي وتقديري

صح لسانك شاعر القوافل


لك خالص التحية

صح الله لسااااااااااااانك

قصيده تحمل في طياتها الابداع

وعلى جناحها التميز الدايم

الله يعطيك العافية

تقبل تحيااااااااااااتي الخاااااااااصة