الأبيات
علها تروق لكم
سافري يا هجوسي فوق موج الأثير=وصلي لي سلامٍ(ن)للغلا مرسله
سلمي لي على الغالي سلامٍ(ن)كثير=قولي أنا تراني حيل مشتاق له
ثم هاتي خبر يا عل خلي بخير=طمنيني عن أحواله وباقي هله
وإن نشد عن حوالي كيف صار المصير=قولي الحال حبله ينقض ويفتله
أربع أيام مرت كن بالقلب طير=يصفقه بالجناح ولا نوى يزهله
ودي بشوفة الغالي ولا ريد غير=شوفته عيد ثالث ماني مبدله
في عروقي غرامه ثلج في زمهرير=عرق يطلب رضاه وعرق يتوسله
الهوى من مشيته صار دربه وعير=مير دربٍ(ن)مشيته معه بكمله
ما تهم الخسائر والتعب والمسير=كان ربي كتب لي عمر لين أصله
كل جرحٍ(ن)يطيب وكل همٍ(ن)يطير=ساعةٍ(ن)معه همي كله بتغسله
عودي يا هجوسي فوق موج الأثير=وصلي لي جوابٍ(ن)للغلا مرسله
التميز
الإهداءات
ثلج في زمهرير !!!
رد: ثلج في زمهرير !!!
