كايد القمرا !!!

هذه القصيدة نظمت
ليلة القمر العملاق

2016/11/15
1438/2/15

يا فاتنة فديت ساحر نواعسك=اللي سحرتني وقت ما زرت دارك
يا عل رب الخلق بالعين يحرسك=يا قاهرة بالزين مزيون زارك
حتى القمر وده بنوره ينافسك=خلا مداره وإقترب من مدارك
يا كايد القمرا ويا ريحة المسك=صار القمر يا مترف الطبع جارك
لو المراصد دارسة في مدارسك=كان إكتفوا بليلك شبيه بنهارك
أنا الخبير اللي حوتني مجالسك=عارف مكامن قدرتك وإقتدارك
ما فيه بالدنيا شبيهٍ(ن)يجانسك=يا مبهرتني لن رأيت إنبهارك
عشتك سنين طوال بالحلم غامسك=الشوق نبضي والمحبة شعارك
يا نور شاعر مفني العمر يدرسك=يتبع مساره في حياته مسارك
خلف الحنايا داخل النبض غارسك=طاوع خياره بالمودة خيارك
عن عين حساده وحاسدك حابسك=بالنابض اللي ما تولع بغارك
مشاعره حولك تراقص تونسك=تطلب رضاك ولا تعارض قرارك
يا فاتنة فديت ساحر نواعسك=اللي سحرتني وقت ما زرت دارك

صح لساانك ابداااااااااااااااااااااااااااااع

صح لسانك ولا هنت ابدعت لله درك شاعرنا

صح لسانك ولا هنت


تقبل التحية

صح بوحك استاذ الشعر رووووعة

قصيدة ممتازة صح لساااااااااانك

صح لسانك دائما مميز



تقبل التحية

صح بوحك واحساسك المرهف شاعرنا

صح لسانك شاعرنا رووووعة يسلم الذوق

صح لسانك مليون ولا يكفون


تقبل التحية