حن قلبي حن موتر تروسه فرته !!!

طابت أوقاتكم

يا بعيد الدار يا ملهم بيوت القصيد=حن قلبي حن موتر تروسه فرته
ودي أطــوي للمسافات لو كانت بعيد=لين أجي لك يمكن القلب تطفي جمرته
واهج الأشواق بالقلب يالغالي تزيد=كان ما تطفي لهبها خفوقي ضرته
ذي حقيقة ثابتة ساكنة دم الوريد=ما تغير لين جسمي تضمه حفرته
أنت حلمي وأنت همي عسى عمرك مديد=يا جمالٍ(ن)في عيوني رياحك ذرته
فيك حسن وفيك ذوقٍ(ن)بذا الدنبا فريد=يا فديت لوجهك اللي سبتني غرته
يا غصين البان يا طعم كالطلع النضيد=يا شبيه الورد في ملمسه في حمرته
فيك مدري منك نبع المعاني تستزيد=يا غرامٍ(ن)حل بالقلب وأوثق صرته
من بداية عشقنا لين يومك يا وعيد=صاينك يا عشق روحٍ(ن)تمنى نظرته
بنك حبك في فؤادي تملا بالرصيد=كل يوم يزيد سعره سبايب ندرته
جوهرة بالكون ما مثلها قد ايش أشيد=ما يجيب الوقت مثلك بكامل دورته
مير أنا يا جوهرة مشنكي ماني سعيد=كيف يهنا عاشقٍ(ن)ما تهنى بدرته
من بعد غيبتك مابه جديد ولا مفيد=غير قلبٍ(ن)خلف عوج الضلوع بحرته
ذا جديدي كان ودك تعرًف بالجديد=خافقي سود الليالي وربي غرته
الحلوم الأولة والأماني والنشيد=يمكم يا مشغل القلب عنوة جرته
من سنين أرجي وصالك وأكررها وأعيد=يا وليفٍ(ن)كل هم الهوى مبرته
ما دريت إن الليالي تضيع ما نريد=لين ضاع الحلم ما باقي إلا جرته
يا بعيد الدار يا ملهم بيوت القصيد=حن قلبي حن موتر تروسه فرته

الله الله

صح لسانك واعتلا شانك


ابدااااااع

صح لسانك ولا هان راسك


تقبل التحية

صح لسانك دائما مميز


تقبل التحية

رائعة من روائعد المتجددة


احترامي

صح لساااااااااااااانك


كنت هنا

صح لسااااانك ابدااااااااااااع

ممتاز صح لساااااااااانك


تقبل مروري

صح لسانك واعتلا شانك


تقبل التحية

صح بوحك شاعرنا الراقي رووووعة