تمايلي يا قصايد مع شقرديه !!!

طابت أوقاتكم

جتني تسوق المشاعر صبح مهديه=ببداية العام جتني في نهار الربوع
قالت صباح الهنا وأحلام ورديه=قلت:ارحبي يا هلا ترحيب من كل نوع
قالت:صباح القصايد قلت:بيديه=كتبت فيك القصايد يا حسين الطبوع
يا شبه ريمٍ(ن)تربت بأرض نجديه=حركتي الشعر بالشاعر سواة الفزوع
قامت تزاحم قصايد منك محديه=على هجوسي سواة مزاحمات الجموع
تمايلي يا قصايد مع شقرديه=هزي للاجي تراقص خلف عوج الضلوع
ما دامها يا قصيدي جات جديه=اشرب زلال المعاني من شفاه الفروع
اللي كما القطن لون ونعم برديه=في مثلها يا قصيدي لا تظلي قنوع
هذي بعمر الزمن تجيك فرديه=ما مثلها يا قصيدي في جميع الربوع
الدم دم العرب بأوصاف هندية=ما كنها غير همسة تحت ضوء الشموع
بالدم والروح والإحساس مفديه=ياليتها بس تصبح مرةٍ(ن)بالسبوع
جتني تسوق المشاعر صبح مهديه=ببداية العام جتني في نهار الربوع

صح لسانك واعتلا شانك



احترامي

قصيدة رائعة صح لسانك وسلم بنانك

صح بوحك وهاجسك الراقي خالص الود والاحترام

صح لساااااااااااااااانك


تقبل مروري

صح لسانك مدد ماهو عدد


تقبل التحية

صح لسااااانك مبدع يالنشمي


تقبل التحية

صح لساااااااااانك وفيت وكفيت الله يوفقك

صح لسانك مليااااااااار


احترامي

صح لسااااانك رايع شاعرنا تسلم