خوي الطريق !!!

طابت أوقاتكم

يا خوي الطريق اللي جمعنا مساره=اختلف جونا من بعد هب العواصف
إن مشينا يمينه وإن مشينا يساره=خطو الأقدام مكتوبٍ(ن)عليها تخالف
ذي خسارة كبيرة ما بعدها خساره=حكم الأقدار ما يحسب حساب الموالف
بعد حلو الليالي ذقت طعم المراره=كن الأيام موكولة تزيل التعارف
كن للوقت ثأر وجاي يأخذ بثاره=حين بعد خطاوينا بليا مصادف
أقبلت وأنكفت وشلون هذا العباره=حظنا والليال الغبر اقامت تحالف
ما توقعتها تسرع كذا بإستداره=قبل نقضي حوايجنا وكل السوالف
الزمن يا خويي غصب ينفذ قراره=دبرة الله فينا وأنت بالحال عارف
خاطري يا رفيق العمر بان انهياره=سيل قهر الزمن يا منية الروح جارف
حل بالصدر ضيق وبان فيه انكساره=والفكر حار بالتصريف من حال شايف
لو الأوضاع تمشي بالذكاء والشطاره=كان سهلت للقيا بكل المواقف
ليت لي مقدره بالجو وإلا غباره=كان صفيت جو أعمارنا بالعواطف
مير الأوضاع صعبة كل حيٍ(ن)بداره=والطريق الموصل بيننا شبه تالف
يا خوي الطريق اللي جمعنا مساره=اختلف جونا من بعد هب العواصف

صح لسانك واعتلا شانك


احترامي

صح لسانك ابداع من شاعر متمكن


تقبل احترامي والتحية

صح لساااااااااااانك


موفق

ممتاز صح لسانك قصيدة راقية يعطيك العافية

صح لسانك رائع


احترامي

صح لسانك واعتلا شانك احسنت قصيدة رائعه

صج بوحك شاعرنا رووووعة يسلم الذوق

صح لسانك ولا هنت مثل ما عهدناك مبدع


تقبل التحية

صح لساااانك قصيدة رائعة كعادتك لله درك


احترامي