بنـــات أفكـــاري.....!!!!

أبيات لعلها تروق لكم

على بحر القصيد اللي يدفه موج عقبه موج=
رسى مركب قصيدى والبحر ما همني موجه=
مادام الراس راسي سج ياقلبٍ(ن)حمته العوج=
وغوص البحر بعد البحر وأغطس داخل لجوجه=
على صهوة جواد الفكر بتعب خيلي المسروج=
بمضمار القصيد الخيل ماني راحم سروجه=
لساني مثل حد السيف لا قاصر ولا معووج=
ولاني تابع اللي في قصيده لفه وعوجه=
على وضح النقا مافيه لا هفوة ولاش طعوج=
أعدل للقوافي والقصيد أزين مطعوجه=
تراقص لي بيوت الشعر رقصة فاتنه عمهوج=
صعيب القاف لامني عسفته فتح دروجه=
قصيدي من رصيدي ما يحوم حوله المرجوج=
بنوك الشعر ما ترخص لمرجوج(ن)ومرجوجه=
معاني سامية العرف في طياتها ممزوج=
وروحي بالقصايد بينه بالدم ممزوجه=
قصائد يعربية مابها ياجوج مع ماجوج=
بنات أفكاري اللي من صمميم الفكر منسوجه=
نقية ساسها معروف ما عرضتها للحوج=
هوازن أصلها ولسانها ما خالط الخوجه=
على بحر القيد اللي يدفه موج عقبه موج=
رسى مركب قصيدى والبحر ما همني موجه=

تراقص لي بيوت الشعر رقصة فاتنـه عمهـوج
صعيب القـاف لامنـي عسفتـه فتـــــح دروجـه







شاعر جزل ومتمكن ومبدع ,,


صح لسانك ولا هنت على هالفاخره


أبيات رآقية تحمل من بنات افكارك الشيء العجيب


نص فيه من السلاسه وروعة الصياغة مايجعله دره


استمتعت بقراءة الأبيات كثيراً

اخي بن هليل بدون مقدمات انت مذهل ولكن شعرك اذهل الشعراء .....شكرا لك ولك فائق احترامي

بن هليل



صح لسانك

ع القصيدة الرائعة

أبيات في قمة الجمال

سلمت يمينك

والله يعطيك ألف عافية


لكـ تحيتي

على بحر القصيد اللي يدفه مـوج عقبـه مـوج
رسى مركب قصيدى والبحر مـا همنـي موجـه
مادام الراس راسي والقلب حاميته ضلوع(ن)عوج
بغوص البحر بعد البحر وأغطس داخـل لجوجـه



الله الله


تقول وتفعل والشعر ليس بصعب على مثلك


صح لسانك مدد ما هو عدد

صح لسانك وبيض الله وجهك



نص من الطراز الاول



ابدعت لا هنت

صح لسانك وعلا شانك



كعادتك رائع



نص راقي جدا



لك خالص التحية

صح الله لسااااااااااااااانك

قصيده في قمة الجمال

الله يعطيك العافية

تقبل تحياااااااااااتي الخااااااااااااصة

صح الله لساااااااانك يا ابا عبدالله

وبيض الله وجهك

مبدع كعادتك ودره من دررك

الله يعطيك العافية

لك تحياتي

الجميع



صحت ابدانكم ..............ولي عودة إن شاء الله للرد على كل واحد منكم



لك خالص تحيتي