غابت اللي يشابه لونها للقمر=ليتها مشبهة لك ياقمر بالظهـور
غيبتك يوم والمجمول غائب شهر=والمشاعر تحس غياب ولفي شهور
ما بعث لي سلام ولا لفاني خبر=من يجيني بعلمه ياعسى ما شرور
كيف حاله على طول الغياب الأمر=ناوي ايعود وإلا ما نوى للحضور
من يجيني بعذره كان عنده عذر=إن تعذر وليفي بالوكاد معذور
ومن يخبر وليفي ضيقةٍ(ن)بالصدر=لازمتني بعد ما غاب تدعي ثبور
أتصبر لكني ما قويت الصبر=كيف بصبر بعد غاب الفرح والسرور
بعد ما غاب كني من يدوس الجمر=تحت رجلي حرور وفي فؤادي حرور
الليالي بدونه قطعةٍ(ن)من سقر=مظلمة في عيوني كن مافيه نور
كل ما زارني طيفه بلمحة ومر=فز قلبي وصاح الشوق وقت المرور
أتخيل مكاني مرتوي بالعطر=من عطوره ولو الجو مابه عطور
أسمع الهمس حولي والعتب بالنظر=ما تشوفه عيوني كان صح العبور
النهاية غرامي مختفي يابشر=والأماني حواليَه تلف وتدور
ضايقٍ(ن)من غيابه وطول السفر=دم قلبي أحسه في عروقي يفور
صرت مثل الصحاري بإنتظار المطر=تنتظر رحمة الله لو سنين ودهور
عل تمطر سحابة وصلها بالعمر=قبل ينقال عنا في قديم العصور
كانوا إثنين بالدنيا بسالف دهر=هاجروا عن تلاقيهم سواة الطيور
غابت اللي يشابه لونها للقمر=ليتها مشبهة لك ياقمر بالظهور
التميز
الإهداءات
غابت اللي يشابه لونها للقمر !!!
رد: غابت اللي يشابه لونها للقمر !!!
