جاد المساء بما عل وعسى
يروق لكم
مـصمم لـشم الـورد وأقـطف زهور الورد
يـاورد الـمدينة جـود عـطر لـي أنـفاسي
بـقلبي غـلاك الـلي زرعـته حـصده البعد
وصــارت عــروق الـقلب ذبـلى ويـباسي
مــن أعــوام وأنــا فـيك مـغرم بـليا حـد
ياحلم العمر يأعذب من المي في كأسي
أسـامـر طـيـوفك قـصـد وإلا بـليا قـصد
اسولف معك وأسهى عن هروج جلاسي
يـا ريـح الـزهر والـمسك والـعود ثم الند
يـا كـل الـغلا مـن كـل ربـعي ومن ناسي
مـتى تـرحم لحالي وتشفي جروح الصد
قـبل لا يـصيب الـروح عـلة و وسواسي
تـجـمل تـعـال وعـانـق الـشوق لـيلة بـرد
تـدفـي مـشـاعر بـالـحشا صـابـها يـأسـي
تـراني وصـلت أخـر حـدود الصبر وإنهد
أمــل كـان يـغريني لـيا عـانق إحـساسي
يـا ورد الـمدينة ماش مثلك بصدق الود
فـديتك ترى ما أحب أشوفك كذا قاسي
تـرى الـود يكبر بالتواصل وصدق الوعد
يـا جـاذب مـشاعر شـاعر ٍ جـاك متناسي
سنينين ٍ مضت من عمرنا بين جزر ومد
هـواجيس حـلمي صـدعت يـاغلا راسي
لـكـني عـلـى مـاقـيل لازلـت صـامد جـد
عـلـى مـنهجي بـاقي مـثل ودي الـراسي
مـصمم لـشم الـورد وأقـطف زهور الورد
يـاورد الـمدينة لـو تـبخل عـلى أنـفاسي
ⒿⒶⒷⒺⓇ✫
التميز
الإهداءات
عانق الشوق ليلة برد
رد: عانق الشوق ليلة برد
