يحق لك على العذارى تباهين !!!

أسعد الله أوقاتكم بالخير



الأبيات

يحق لك على العذارى تباهين=يا من ملكتي كامل الحسن والذوق
ويحق لي أهديك يا كامل الزين=روحي وقلبي وصل عاشق لمعشوق
على المشاعر والقصايد تمونين=تجرين فيني جرية الدم بعروق
أحس بك لو كان مأنتي بتحسين=والقاك فيني جمرةٍ(ن)تشعل الشوق
غنيت لك طاروق تكفين تكفين=لا تتركين القلب بالنار محروق
مدي يدينك للوفا كان تقوين=ترى الهوى يا فاتنة سم مسحوق
كانه تمكن من عروق وشرايين=من يشربه ما يحط بالنطق منطوق
وأنا شربته غصب وأنتي تعرفين=أعيش سكراته ولا ودي أفوق
بين الرجا واليأس والقرب والبين=أضم طيفك بين زفرات وشهوق
أنتي سحر أنتي شفا كل الأثنين=بكذا عرفت إن النساء بينها فروق
يحق لك على العذارى تباهين=يا من ملكتي كامل الحسن والذوق

مصافحة أولى



صح لسانك يا مبدع القوافي



قصيدة رائعة كعادتك



لله درك

صح لسانك



نقش شعري رائع



لك التحية

صح الله لساااااااااااااااانك

قصيده تعانق الابداع والتميز

الله يعطيك العافية

تقبل أرق التحايا و أعذبها

ماعندي كلام غير ان يحق لك تتباها بين الشعراء يامن ملكت الشعر بقوافيه ......^^

يعطيك الف عافية



قصيدة عذبة جميل صح منطوقك

صح لسانك



ابدعت وامتعت



لك التقدير

صح لسانك مدد ماهو عدد




كعادتك مبدع مميز

صح لسانك واعتلا شانك



ابداع معهود الله يعطيك العافية

صح لسانك للرضا





تقبل التحية