ديوان الشاعر : مخلد القثامي؟؟؟؟؟؟

الشاعر الكبير مخلد بن شايد الزواري القثامي العتيبي رحمه الله ، شاعر له اسلوب خاص ، شاعر يعتز كثيرا بقبيلته و له العديد والكثير من القصائد التي تسطر شاعرية هذا الرجل ، مخلد له قصائد حربيه يقال انها ممنوعة لانها تصف الوضع في عصره وايضا حروب قبيلة عتيبة المتتاليه وسيطرتها على جزء من ارض الجزيرة العربية بقيادة قائدها تركي بن صنهات بن حميد العتيبي ، و يعد من ابرز الشعراء في عصره لما يتمتع به من قوة في المفردة الشعرية وبخاصة المفردة العاطفية، ملأت شهرته الافاق وتناقل الرواة شعره المتعدد الاغراض ولد عام 1280هـ بعشيرة العقيق التي تبعد عن محافظة الطائف شمالا بنحو 60 كم عاش متنقلا بين الحجاز ونجد حتى وفاته عام 1340هـ.
مخلد القثامي شاعر اصبح في ذاكرة النسيان رغم ما تركه من قصائد شعرية ذات قوة في المعنى والتراكيب حتى ان بعض قصائده وبخاصة قصائد الحكم والنصح بلغت المائة بيت، اشتهر مخلد القثامي من خلال قصائده الغزلية التي كان يجيد فيها التلاعب بالالفاظ الشعرية بالاضافة الى دقة الوصف وادخال اسماء بعض الجبال والاماكن في شعره .




حنا عتيـبــه

مناسبة القصيدة انه عندما جاء الشاعر مخلد القثامي لمجلس ابن رشيد ، وجد شعراء في مجلسه والكل يمتدح قومه ، والكل بما معناه يقول حنا ، حنا ، حنا ، قامو شعراء قبيلة شمر العزيزه يمتدحون قبيلتهم ومفاخرها ، فقام احد شعار عتيبه وانشد حنا عتيبه وزاد لكنه احرج ولم يستطع التكمله ، فقام مخلد على الفور وقال حنا عتيبه ، فقاطعه ابن رشيد ، فقال : اقعد انت كلامك نفس ابن عمك ، فقال اسمع وبعدين احكم ، ثم انشد قصيدته التالية وعندما اخذ يمدح بقوة عتيبه كان ابن رشيد متكأ فتعدل في جلسته مندهشا من هذا الفذ الشجاع وانه لم يجرأ احد على المدح بهذه الطريقة ، وتعتبر هذه القصيدة مفخرة لقبيلة عتيبه العريقة إلى الآن وهي الاولى في الفخر والتمجيد لقبيلة عتيبه ويقول مخلد :



حنـا عتيبـه كـم حريـب لطمنـاه........دقلاتنـا مثـل الخيـال الرزيـنـي
علونا في الحجـز واقصـى قرايـاه........وشرقينـا يـم الحسـا مردفيـنـي
وجنوبنـا وادي الدواسـر رعيـنـاه........وشمالنـا يــم المديـنـه يميـنـي
حنا تـرى نجـد المسمـى ملكنـاه........وخابت حظـوظ ملوكـه الاولينـي
وادي الرشا غصب على الناس نرعاه........بشلـف رهـاف ويقطعـن الوتينـي
تمرجحي في حمضته واشربي مـاه........وتبرهجـي يـا مقرعـات الحنينـي
وكم بيت شيخ فـي نحانـا هدمنـاه........وامسـوا مساييـره مـن الخايبينـي
وكم راس شيخ عن متونـه نطلنـاه........وراحت تسير بـه كـلاب القطينـي
والفصل جا فاربـع سنيـن مسمـاه........من عقبها سمـوى القبايـل طنينـي
منها النهار اللي على الضال واقصاه........من عجـه الضلعـان عيـت تبينـي
ومنهـا نهـار فـوق دلعـه عبينـاه........مع ايسر الهضبـه عساهـا سنينـي
ولد الدويشـي فـا لعوينـد **رنـاه........يـوم عليـه ايشيـب المرضعينـي
وعلى طلال الـدم الاشقـر نثرنـاه........يومنهم جونـا الضحـى سارحينـي



فغضب أبن رشيد ولاحظ مخلد غضبه فأردفها يقول ليمتص غصب ابن رشيد



والله يالولا شيخ وطتنا زكاياه........ماناخذ الرفقه مع الحاربينـي
شيخ تجيله سبق الخيل مهداه........ابن رشيد مـروع الغافلينـي
يجر سيراته وذروات تبـراه........من كثرهم يا راحم الراحميني
مثل الجراد اليا تقافت رحاياه........امسلطه ربي على الظالميني



وبذلك هدأ ابن رشيد وقال :
انت يامخلد غرفت لعتيبه من القدر وماخليت لشمر غير القراره





هذه قصيدة ومناسبتها ان بعض القثمه نزحوا على اميرهم شديد العبود من وسط نجد الى الشمال وعندما اقتربوا من مدينة الفرّع وارادوا ان يمدوا الى مدينة الفّرع ، وكان مخلد القثامي ومن معه ولان بعض من قومه ليس معهم ما يركبوه حتى يمدون ، فذهبوا لاميرهم وقالوا له نريد منك تجيب لنا (وجمه : أي مدة (ارزاق ) واحده ) من الفّرع ، فقال : عنيتوا عليه وانا عنيت على الله ، ثم اخذ جمالهم ومد الى الفّرع وحملها من التمر بما لايقل عن ثلاثين حمل ، ثم عاد الى جماعته ، ثم انشد مخلد قصيدته التاليه بعد ان رأى طيب اميره و موصي ابنه غازي :




يقـول مخلـد رد مـن طيّـب البنـا........تماثيـل بيـطـار ٍ تنـقـا عجيبـهـا
مـن وقـت هـاض بالـي وحسنـي........أيام علينـا الـرب الأكبـر رضيبهـا
حلنا ومدينـا الفـرع مدهـال الحيـا........وعـزي لنفـس ماتحصـل قضيبهـا
تلفّت في ربعـي هـل الجـود والثنـا........عسى حاجة ٍ مـن واحـد ٍ تقتضيبهـا
تجاوز هل الأمـوال بالقـرش بينهـم........هـذاه يعطيهـا والآخــر يجيبـهـا
وحذراك بنت الـلاش يعجبـك زينهـا.......تحنـي كواعبهـا وتنـسـع ذويبـهـا
تراها سواة العشب في دمنـة العـرب........حتـى حمـار الحلـس مايرتعيبـهـا
تجـذب خناطيـل ٍ تصافـر عيونهـم........وأخوهـا وبوهـا قاعديـن ٍ لصيبهـا
ترى الـلاش مثـل الليلـة الكردسيّـة........كمـا ليلـة أم قبيـس مـا ينسريبهـا
وترى اللاش مثل الليل والنار والمطـر........يومن الهبايـب ليـن يطفـي لهيبهـا
عليـك ببنـت مـجـرّب عارفيـنـه........قروم الرجال اللـي تنومـس نسيبهـا
أتعب لها العيرات وأتعـب لهـا القـدم........وسافر لهـا لـو هـو بعيـد ٍ مغيبهـا
تراهم يسوقون الكحيلات فـي النسـب........قحص المهار اللـي سريـع ٍ هذيبهـا
تجذب حرار ٍ مـن معالـي وكورهـا........حرار صقـور ٍ مـن معالـي رقيبهـا
كـرام ٍ زعانيـف ٍ جـزال ٍ نفوسهـم........تقضـي لوازمهـا وتأخـذ مصيبـهـا
وأنا أحذرك من رأي المره لا تطاوعه........ترى رايـة النسـوان تملـك نصيبهـا
وأنا أوصيك في حرش الوبر شمّخ الذرا........كمـا جوخـة ٍ شرّايـهـا يكتسيبـهـا
البـل سـاس المـال ياجاهـل ٍ بهـا........لكنـهـا مـاكـل شــي ٍ يجيبـهـا
البـل تبـي قـرم ٍ قـوي ٍ عزايـمـه........دايـم عـلـى طرّافـهـا يشتقبـهـا
يازينهـا فـي وادي ٍ عـقـب غـبّـه........نـو السمـا نـو الثـريـا سقيبـهـا
في وادي ٍ تشوف الزهر فـي جوانبـه........وقامـت دقايقهـا تكـاسـر لشيبـهـا
أنا أوصيك ياغازي ترى الروح فانيـه........الأيـام تضحـك لـك ولا يندريبـهـا
تغانـم شبابـك قبـل يلعبّـك الجهـل........تغانم زهرهـا قبـل يابـس رطيبهـا
زهرها الكرم والدين والصمت والظفـر........وخيـار الأريـا لاتجنـب صليبـهـا
أنا أوصيك بالخطّار في هاشـل القسـا........إليـا لفـولـك لاتقـصـر وجيبـهـا
بدهـم بالكيـف والـكـن والــذرى........وقـرّب معاميـل ٍ علـى الله نصيبهـا
وعليـك بالعانـي ليـا جـاك عانـي........إذا جاك ناصي راكـب ٍ فـي نجيبهـا
وأنا أوصيك بخصمك على قطع عرفـه........إذا جـات أيـام الطـلابـه طليبـهـا
وترى ربعك الأقصين نصرك على العدا........وقبيلتك ساعدهـا وحـارب حريبهـا
وترى ربعك الأدنين سترك من الشقـى........سيوف ٍ إذا جات الملاقـي تقتضيبهـا
وأنا أوصيك في طنب الردي لا تجاوره........رذال الرفاقـه لا تـجـاور طنيبـهـا
تنشبـك حرمتهـم وينبحـك كلبـهـم........كمـا النملـة اللـي ماتريـح قريبهـا





( يالله ياربي )
وهذه احدى قصائد مخلد القثامي وهي عن ان مخلد بعث برسول لدياره يخبرهم بالربيع ويصف للرسول المكان وكل شي عن قبيلته ويحث الجميع على القدوم إليه.




يا الله يـا ربـي عليـك التسانيـع........وان ضاقت البيبان بابـك وسيعـي
كريم يا برقا نخيلـه وراء الريـع........ونخيلـه بأطـراف وادي النقيعـي
يا راكب اللي من سلايـل مرافيـع........اسداس حيلا ما تلاهـن رضيعـي
قطم السماري ما هوتهـن مراقيـع........تاطا الحثـاث و سبتهنـه متيعـي
إيزوعن إليا بـداء الفجـر تزويـع........ولهـن غـذاي اليتامـى وديـعـي
مـا فوقهـن الا العيـال القواطيـع........طريحهـم بالعـج مالـه منيـعـي
حط البهار ونطـع الليـف تنطيـع........لين السوالف بيـن اهلهـا تريعـي
واخذن من غدران حـاذه قراطيـع........من ماء المطر ما هو بعدا رجيعـي
ويازينهنـه بالسليـلـه مخـاريـع........للحيَهنـه فـي اللواحـي قضيعـي
باطرافهن مثل السبـاع المجاويـع........من ذل اهل ركبـا عليهـم يفيعـي
واليا بدن حلـي كشـب المضابيـع........أدروا عليهن عقب مسـرا شنيعـي
ولازم تشوف الطرش حمرن مراتيع........والا تشوف النـار تلمـع لميعـي
وزع عليهـم ردتـي بالتـوازيـع........وخص العيال وكل قرمـا رفيعـي
ونجل العيون مخوتمات الاصابيـع........هيم البطون وخل عنـك القظيعـي
وان سايلوا عنا بـوادي المرابيـع........اتراب و الخيبـه بهكـاء البقيعـي
صعوطنا القبعـي وعـج المدافيـع........وان ثارت القلـه غدينـا مزيعـي
اخيامنـا مثـل الطيـور المواقيـع........ولا ديرتا زينـه ولا مـن نفيعـي
والحـي لابـده يجـي بالمراجيـع........واللي دعاه الموت يقعـد وضيعـي





وهذه قصيدة أخرى ( باب الحرم ):





يقول مخلد عند باب الحـرم ون........بالمدعـى ياعارفيـن المكانـي
أقدامنـا واقـدام خلـي تناصـن........فى مطرح عنه الطريق ايحدانـي
أول عذاب القلب من عنبر خـن........والمسك والريحان والزعفرانـي
واتلا عذاب القلـب شقـر يهلـن........علـى عنيـق كنـه الخيزرانـي
جاني يجر أهدوم مدري وشنهـن........لابس على الدفه حريـر يمانـي
أربع سنين اقرع كما يقرع الشن........ياواصلينـه علمـوه ابمكـانـي
واربع اسنين حب سيدي على ظن........واربع سنين زادنـا مـا هنانـي
ودي أسايل عنه واقول من مـن........به لو كان سيدي خابره ما غواني
ستين منظيه من الجيـش ينقـن........أيضا ويقفاهـن عشـر وثمانـي
عشرين منه مع شفا نجـد هفـن........وعشرين منه يم وادي اقحطانـي
وعشرين منه فى المدينه يرسـن........وثمان منه يـم وادي اشهرانـي
والعشر الاخرى فى سويقه يحلن........ويدورونـه فالغـبـا والبيـانـي
أوسط وعد ليلـة فطـور يهلـن........وأول وعد ليلة هلال ارمضانـي
وآخر وعد يوم المحامـل يدقـن........فى لمـة الحجـاج ليلـة ثمانـي
إن كان جابن الحبيـب عليهـن........أبا انشر البيضـا ولـج الغنانـي
ون كان ماجزيته على الله جزاهن........والموت خير امن الهوى والهواني
عهدي بهم يوم المحامل تصاكـن........في لمة الحجـاج يـوم الثمانـي




وهذه قصيدة أخرى ( بادي الحيد ):




يقول مخلد بادى الحيـد الأسمـر........في مرقب قدم الضعائـن منيفـي
يا الله واني في رجـاك أتصبـر........صبر الديـار المسنيـة للخريفـي
تعزا لعين دمعهـا حـار وأمطـر........ينـه تهشـم حجرهـا بالذريفـي
والله لـولا العظـم يـوم أتعمـر........يا كويت العظـم عيـدي وريفـي
ابرد بها عبراتـي اللـى ت**ـر........لا شب في قلبي سواة الصريفـي
ولولاك ياطعـم الـدلال المنحـر........لا ولف القيفان واهـرف هريفـي
هريف سرحان بعـد ليـل اقشـر........هايف ومطـرود وتلـف معيفـي
عليك ياللـى حبتـه كنـه الـدردر........ الصعوب ان سلهمت للعطيفـي
در الصعوب م**ـر فيـه سكـر........ومبرى فـي عارضـي رهيفـي
لا روحت من وادي نبته أخضـر........ين الحرار وغـادي لـه لفيفـي
عز الله انه بالهوى جرنـي جـرجر........ الرشا فوق المقـام المهيفـي
عز الله انه بالهـوى كرنـي كـركر ........الضوامـي للقليـب الغريفـي
من لامنـي لعـل يمنـاه ت**ـر........يطيح في دقلـة خويـا الشريفـي
يالايمـي عسـاك للحـر واكثـر........زند المحلـج وبـواردي ظريفـي
في درجة تحذف بخفاف وعشـر........ياخذ سنة غمق صوابـه مصيفـي
ويالايمي طتاولك في عمرك الشر........وتأخذ سنة بين القرايـا تضيفـي
ويالايمي طرحوا عيالـك مجـدر........ومن بعدهم تقعد ضعيـف كفيفـي
ويالايمي صادوك صبيـان شمـر........وجونا بعلمـك سابقيـن النكيفـي
يازين خلي وان مشى بالمشجـر........وثويب السبهان خياطـه نظيفـي
يامل لقلـب يجذبـه كلمـا مـر........وليا دله بالعين وازنـف زنيفـي
زنيف دراج السوانـي اذا صـر........علـي ثـلاث يجذبنـه صفيفـي
كنه هديب الشـام يـوم يتندجـر........قدامه المدفـع ويـرزف رزيفـي
وعقيل يتلونه على اكوار ضمـر........ومشطريـن ايمانهـم بالرهيفـي
وإلا مشى له ساعة ثم هـو كـر........يسعون خدامـه لحكـم الشريفـي
يا ليـت خلـي يـوم قفـا تعـذر........ما اقفا على السفهان كنه معيفـي
من يمكـم يـا الطيبيـن اتعـذر........تدرون راع الحب قلبـه رهيفـي
دلا يزايدنـي بشـقـر تنـشـر........ومحاجـر للمـوت فيهـا رفيفـي
ولي عشير جرني بالهـوى جـر........ويجرني جرت مـزون الخريفـي
وفي عينه اليمنى سيـوف تسطـر........وفي عينه اليسرى عساكر شريفي
أشكى على حماسة البـن الأشقـر........أهل النجور اللى ترازف رزيفـي
واشكي على لباسة الجوخ الأحمر........من فـوق قـب ينقـان الرديفـي
واشكى على اللى يم حائل تومـر........تكفا ياخو نوره **ـون المخيفـي
وان كان اخو نوره لشكواى ما سر........ولا انقطع حبل الرجا من وليفـي
ألا حما في نجد بالسيـف الابتـر........وما طرت البصرة لحد القطيفـي





قصيدة (صدر القثامي ) :


صدر القثامي فاح من زود الاقراح........كلا من الشعـار عنـده هقـاوي
ويلا بدعت القاف ما نيب زهـاف........بيطار في رد المثائـل قصـاوي
لولاك يا الغليون لا صير مجن.........وأني لضلى بالزرايـب خـلاوي
ياتل قلبـي تـل ركـب بعـد زلإلي........ عطا مع راس حـزم نقـاوي
ويلا عطا المظماه والخيل تنظـاه........قافيه بـدو ودارع فـي حسـاوي
ظلـوا يلحونـه تقـارع اشنونـه........عليه من حب الثميـدى هـداوي
طقوا حـدا هنـه اليـا والقهنـه........حسن المثار وخرجهن والعـزاوي
صدوا بهن يسار للـدرب عبـار........وركبت عليهم ضمر مـع نقـاوي
صدوا بهن يمين مثل السراحيـن........ويلا هذا المظهور يتلى الـرواوي
وداروا عليهنه و صاحـوا بهن.......هفي حاجر فيه الادامي امتخـاوي
جاهم هجاد جد فـي ليـل أسـود........عدا بهم عباس مـدرى الجـلاوي
يا ويلهم بالويل لولا أسمر الليـل........يا ويلهم لولا أسم الليـل ضـاوي
تفاوج الاصباح بـرود الانشـاح........واصبح دليلتنا عن الرسن غـاوي
يا ناقض المرجود يا ليـن العـود........أنا معك بالذمـة ان كـان تـاوي
وانا هيامي عام عـام وراء عـام........ولايبرى الوجعان كـود المـداوي
يا سم حالي سم غـرس بعـد زم........بعد شراب الجـم غـاد حنـاوي
قضوا حصابيره وطكوا حضيـره........وماتت معاويره وخلـى خـلاوي
تكفون يا هل الكوم والليل حلكـوم........ترا عليه مـن القرانـه حـراوي
وأن مالقيتوا علم والا انحروا ظلم........عدو لهن في رأس رجم سمـاوي
لزمـا تمرونـه ولزمـا تجونـه........ولزما معارفكم تمضى الشكـاوي





قصيدة ( سيرة العشاق ) يذكر فيها شيوخ وامراء قبائل الجزيرة العربية
ويذكر أن الحب لم يعيبهم ..




مخلد بـد حيـد طويـل الاشاذيب........ذكر علـه وكلمـا بالحشـا جـاب
لو لا اني اجلا عن ضميري لواهيب........في كنة الغليون فـي راس مرقـاب
وملا وحي باكوار شيـب المحاقيـب........لغدا حريقة نار فـي راس مشهـاب
علـى عشيـر سدهـاك المراقيـب........عسلج وضلع هدان وكبـاد ونيـاب
ودعتـك الله ياشريـف الخراعيـب........يانافـل بالزيـن تلعـات الارقـاب
العين طفطـوف عـذى المشاريـب........في ماقع عسـر علـى كـل هيـاب
وانهيد خلي ماتعلـق بـه الصيـب........حمر ثمرهن توهن شـق الاسـلاب
يفداه من لـم الحطـب للخراعيـب........خطو السدوح اللي عيونه للاقـراب
يالجتي لجـة محـال علـى شيـب........شيب اعـداوه عفتوهنـه اصعـاب
تقفي وتقبل بـه طويـل المجاذيـب........في عيلهم طولـه ثمانيـن بحسـاب
ويالجتـي لجـة قطيـع مناهـيـب........في كنـه الجـوزا حداهـن ملهـاب
على القليـب يرشحـن المغاريـب........العـد مقطـع والحداديـر هـيـاب
او لجتـي لجـة نجـور تواعيـب........لجة نجور الحاج مـع كـل شـراب
او لجتي لجة مـع الغبشـة الذيـب........لجلاج ذيب يرفـع الصـوت قنـاب
يلومنـي بالحـب خطـو الدباديـب........خطو الدحوش اللي تعصا بمشعـاب
والحب ماعذرب شيـوخ الاجانيـب........ولا عاب ابن ظمنه وراكان ماعـاب
ولاعاب اخو نوره مروي المغاليـب........ولا عاب الدوشان عريبين الانسـاب
ولاعاب نمـر حصـان الاطاليـب........اللي عشق وضحا وابا زيد وذيـاب
ولاعاب اخو سكره حما الفطر الشيب........ولاعاب ابن حميد صنهات وعقـاب
اللـي يعزلـون امهـات الدباديـب........ام الجرس والطوق والعفر الاشبـاب
ولا عاب اخو ريا حما الفطر الشيب........اللي يفك الجاذيـه وقـت الانشـاب




و الذين تم ذكرهم هم :

1- فايز بن جريس بن ظمنه "شيخ الصعبه من بني عبدالله من قبيلة مطير "
2- راكان بن حثلين "شيخ شمل قبيلة العجمان "
3- اخو نوره محمد ابن رشيد " شيخ عبده من قبيلة شمر "
4- الحميدي بن فيصل بن وطبان الدويش و تريحيب بن شقير الدويش " شيوخ شمل قبيلة مطير "
5- حصان الاطاليب نمر بن عدوان " شيخ عشيرة العدوان من قبيلة بني صخر "
6- ابو زيد سلامه الهلالي " من شيوخ قبيلة بني هلال "
7- ذياب بن غانم الهلالي " من شيوخ قبيلة بني هلال "
8- اخو سكره خلف المور الهقيش " شيخ عشيرة الهقيش من قبيلة بني صخر "
9- صنهات بن حميد " شيخ شمل قبيلة عتيبه "
10- عقاب بن سعدون العواجي " شيخ ولد سليمان من قبيلة عنزه "
11- اخو ريّا هاجد بن رزيّن بن ظمنه " شيخ الصعبه من بني عبدالله من قبيلة مطير "

وهذه القصيده التاريخيه سيفتخر بها ولن ينساها ابناء الشيوخ الفرسان المذكورين ولا قبائلهم
لأن شاعر قبيلة عتيبه الكبير مخلد القثامي يرحمه الله مدحهم لا لأجل المديح فقط للإستدلال على ثوابت .



(يا راكبا حمرا )
وهذي قصيدة لمخلد القثامي يمدح فيها الشيخ هذال بن فهيد ( أخو هملا )
وبما يتمتع به من شجاعة وقوة اهابت كل اعدائه وهو اهل للمدح ويذكر فيها معركة من معارك عتيبه
وهي ( الضال ) ومنها الابيات اللي تقول :



ياراكبا حمرا تبوج اشهب الـلال........تهوي كما تهوي فريـد النعامـي
انصي الامير وطقها عنك هـذال........لعـل عـود عقبـه للرخـامـي
تلقى اذا جيته مـن البـن فنجـال........وهيل يكثـر بالـدلال الحشامـي
حر تسلسل من طويلات الاقـذال........نلطم به العدوان شـرق وشامـي
الا شاف ميلات العدا جاه ولـوال........رفرف بجنحانه و**ـر وحامـي
نبيه للـراس المصعفـق اذا مـال........إذا شيلت العطفه نهار الزحامـي
ام لنسل مضيم ماضيـن الافعـال........واللا العلوا اهل الجموع الزوامـي
يانجد لاترهب من الحرب لو طال........وترا شراع الحرب ما ساع قامـي
ابشر بجيش وخيل وسلاح ورجال........صفرا وجمرا مثل لـون التهامـي
ياما قطعنا فيك مـن راس خيـال........لاثار عـج مغبـرات العسامـي
باكر اليا علك من المزن هطـال........وشفت الزهر كاس خشوم العدامي
اما تحدرنا من العـرض وشمـال........والا علينـا للطـلايـع مـلامـي
مثل النهار اللي على هضبة الضال........فيها الدويش وفيه ولـد الامامـي
ولدوا على خشم القهب سيلها مال........ناخذ عمـار مجربيـن الاسامـي



1) الدويش : سلطان الدويش
2) ولد الامامي : عبدالرحمن بن فيصل بن تركي بن عبدالله بن سعود





هذه القصيدة لمخلد القثامي ولهذه القصيده قصه يذكر والله اعلم انه تقدم عدد
من الشعار لخطبة احدى فتيات البادية وكان من ضمن الخطابه الشاعر مخلد القثامي يرحمه الله وفضلته عليهم :



ياراكب من فـوق نسـاع لـزوار........هجن من الطرفه شلاهيب شيبـي
مافوقهن غير الجواعـد والاكـوار........وقريبتـن مرويـة مـن قليـبـي
اليا عطن واد من السيـل معتـار........اخـب اقـدام الركايـب خبيبـي
وان هب نسناس كما واهج النـار........ابرد عليهن عـن سمـوم اللهيبـي
سقوى على عيني الى شفت الانشار........واصبحت قاربة ضعايـن حبيبـي
كني مثنـن لـي بحجـة ومزتـار........يـزود قلبـي زود زرع الركيبـي



ويذكر ان حبيليص ابن عديس الشيباني يرحمة الله كان احد الخطابه
لهذه الفتاة فوجدها فرصة ليداعب مخلد بهذه الابيات :




ماذم مخلـد لـه معاميـل وبهـار........لاشك يبـدع لـه كـلام صعيبـي
وان كان يامخلـد تنـوي بمعبـار........سج الركـاب ونصهـن الحريبـي
الدرب عانه من حصا كشب ويسار........ماطر عسلج والهضاب العسيبـي
لازم اليا وايقـت بالحـزم سبـار........تشوفهـم ببـيـوت والاعزيـبـي
الميد يا مخلد اليـا شبـوا النـار........وحطوا وعدهم في المكان المغيبي
وتطلقوا مثـل السراحيـن عبـار........كل على طلب الرجـا والنصيبـي
احد يجينا بالسرق جـل وصغـار........واحد يحوز عن الخمر والشعيبـي
وحنا طلايقنا يشـو قـن الانظـار........اليا حدوا والمرحان يـم الجذيبـي
كم خيمة من دونها خمر وحجـار........ونضوي ونشلها كما شلـع ذيبـي
وحنا اليا سرنا وحبل الرجا سـار........نقطع عليها الخوف قطع العصيبي
ونعطي قصيرتنا من العرب مغزار........يستاهل الفرحـه وحالـه يطيبـي
ونصنف الدنيا ونبنـي بهـا كـار........يوم الرخوم مـع القرايـا تسيبـي




يقول مخلد القثامي




يا مل قلب تاق من عقب الافراق........يومي كما المسباق بين المعاليـق
من خل اوما بـه وجـدد عذابـه........او ماي ركب مبعدات المواسيـق
هفايف يوم ان سرو واسرق........وهـنسرو يوم الصبح جالـه تخافيـق
وخلوا نحاهم من على درب ماهن........من خوف يلحقهم رجال الملاحيق
وقفوبهن جلعود مع وقفـة العـود........واقلوب اهلهن من طلبهن مشافيق
عطوا بهن اللال ذربين الافعـال........لعيون بيـض كنهـن الغرانيـق
جرو عليهن من غناهم لهم فـن........لين الطموح يطلق الشوق تطليق
مخلد بدا المشراف ويعدل القـاف........كنه لبن مشعاف عرب مفاويـق
لولا اشقر الفنجال اوسع به البال........في منصب وادلال بيض مدانيـق
لغدي حرايق بن نجـر الـى دن........وان يلتهب قلبي لهيب بتحريـق
علمي بتالي الفي في روضة الني........جاني وشفته عقب لامه وتفريـق
وش مصخف حالي طوال الليالي........وش مغضب بالي وأنا ليس ماليق
ريقه حليب بكار يرعن الاقفـار........عليه بيبـان الضمايـر مغاليـق





(جيت الجمار)
وهذه قصيدة اخرى رائعة لمخلد القثامي عندما شاهد معشوقته في موسم الحج
وهي طبعا غزلية ، فيقول :




جيت الجمـار اشتـا والنـاس عـراي........وشافـت عيونـي والخلايـق كثيـري
باب السلام اخـذت لـي حولـه ايـام........مناحـر للـبـاب مـثـل النطـيـري
وجاني يهيف اهـداب عينـى مرابـي........فيـه المنايـا مثـل مـوج الغـديـري
جاني يتوق اشقـح اردايـه وسمحـوق........ومن شاف فرق الزين يصبـح عثيـري
لبسـه غـيـارا لابـعـد الله ديــار........هدفـةّ شمـالٍ بـزرقـان الحـريـري
وزمزم وماه اللـي بركـةٍ لمـن جـاه........آلاف يـردونـه وآلاف صـديــري
والحال شد وسال دمعـي علـى الخـد........ودمـل طويـلات الخطـا للظهـيـري
عني مـن سوابـي رعـاه الجـرادي........ديـرة سبيـع متيهـيـن القصـيـري
عني نصا الوديـان مدعـوج الاعيـان........وا هني غـرسٍ راح لـه بالحضيـري
وا هنـي جمـاره وسـاقـي بـيـاره........وغروسـه اللـي للحبّيـب بـريـري
وان جاء الربيع وان جات حتون المنافيع........يشـرب حليـب معـدلات الـدريـري
اسهاف ذو اشعاف يرعـن الاطـراف........يرعـن لعشـب جـاء لنبتـه زفيـري
ترعى القرار ليـا اعتقـب فيـه نـوار........من الرحا ويسـار مرضـي الفطيـري
ويرعن قرار النير واطـراف خنزيـر........ويرعـن كيـر وياصلـن الجـريـري
في ظف قـب حيـل تمشـي دحامي........لمنزحـيـن العبـدلـي والصعـيـري
وخيل الحروب الهـا عليهـن ماج........ـوبلاشـك حاديهـم كـمـام الامـيـري
وليا اوجهـن ايميـن يمـن القحاطيـن........كـم حلـةٍ خلـو عمـدهـا نثـيـري
طاف الثنيـة مـا نـوى البـوق فيـه........لاشك فـي نيـه وانـا ويـن صيـري
فـي ديـرة الاجنـاب لجـاء الانيـاب........سـوات شياهـنٍ جنـاحـه **ـيـري
ان سلـت عـنـا عقبـكـم ماتهـنـى........انـا عليـك اعـوي عويـل وذيـري
والا عويل ذيـاب مـع جـال ملهـاب........مـع درب قـومٍ ييتمـون الغـريـري
وهرجة طريف إله النشامـا مشاريـب........ليـا طلـع فالمجـلـس المستـديـري
مجلس رجال ليـا حضـر فيـه عقّـال........ليـا سلـم لا يحضـره كـل هـيـري
يعمى العيون ليا حضـر فيـه شغمـوم........في عادته يـا مـال حـوس المريـري




قصيدة الشاعر مخلد القثامي التي جارى فيها مشعان الهتيمي في محبوبته :
بداية قصيدة مشعان الهتيمي :




يقول مشعـان الهتيمـي تفلهـم........قاف رجس بين الضلوع المغاليق
يا صاحبي من دونه الطير حوم........دونه سراب القيض جا له تخافيق



مجاراة مخلد القثامي :




الله مـن نـواءً مزونـه تهـشـم........برقه على الطارق سرى له تخافيق
اياسـره ظلعـة صفانـة ورمـرم........وايامنـه ظلعـاً يسمـى صعافيـق
يسقى قرارة نجـد ليـن أن نتليـم........ويستر به لا ما القلوب المحاريـق
جلست أنا وياه في الليـل الأظلـم........وجلست لين الصبح بان له تراويق
اليـا طلبتـه حاجتـاً قالـي تــم........في حال والا حال في صدره الضيق
عهدي بخلي والعراجيـن تصـرم........يـوم العبـاد يـدورون التوافيـق
فـي ديـرة فيهـا العبيـد المحمـم........الهم على سوق الجـزارة تناعيـق
ما يا صله يكـود هجـن تدرهـم........فج العضود معرمشات المساحيـق
بنات عملي بعـض لونـه اسحـم........يا زيـن ذود ارقابهـا بالخفافيـق





وحين انتقلت محبوبته الى تهامة اخذ يصف البعد الذي حل بينهما مدعماً ذلك باشهر الجبال:



يا صاحبي يردن من دونه الحي........لحوّل ورا مكـه لرجـعٍ تهامـي
دون جبال هذيل ويلٍ على وي........ـلوالهِيل من دونه وشلمات زامـي
دونه زمت ركبه بعيـدٍ جهاجيـ........لويسيل لسقاهن صدوق الغمامـي
حوفوا على عوص النقا يا ري........اجيلوعيبٍ على عينٍ تذوق المنامـي




قصيدة نسبت لغيره، لأن طول العهد على وفاة مخلد القثامي جعل الرواة يخلطون القصائد بعضها ببعض
وما حدث لهذه القصيدة ربما يكون امرا طبيعيا ان تنسب لغيره ولكن بعد تقصي الحقائق الشعرية من المقربين
لمخلد القثامي وجدنا ان هذه القصيدة له :



يا عظمي اللي طاح في الخنفريه........ووحيت له في قاعة البير مضراب
خمخمت عظمي وانفلت من يديه........قالوا بعيد وحال من دونه الـداب
ناديت يا الظفران وابطـوا عليـه........العِد طويلـه والحداديـر هيـاب
يازين شريه في ظهـر عدوليـه........والا ليا وايقت في راس مرقـاب
والا ليا كوعـت جنـب الوديـه........النجر له لعلاع والنـار صـلاب

الله يرحم مخلد

الف الف شكر لك يالنجـــم
على النقل الرائع

مشكووور على الديوان الرائع

الله يعطيك العافية

لك خالص التحية

رحمة الله عليه ...

وشاكر لك تعريفنا بشاعر نفتخر به


ولك كل الشكر على النقل أيها النجم


لك إحترامي

الــنــجــم



الله يعطيك الف عافية على الديوان الجميل المميز أحسنت الأختيار



والله يرحمة ويسكنة في فسيح جناتة ياارحم الراحمين



تــــــــقـــــــ تـــحـــيـــــااااااااااااااااااااااتـــــي ـــــــــبـــــــــــل



صقـر عتيبـة

صح لسان قايلها
وصحّت يد ناقلها ..

قصايد جميلة لشاعر مميز
وحروف وكلمات عذبة ومتألقه ..


" .. النجم .."

يعطيك العافيه
كل الشكر وكل الود

النجم


الله يعطيك الف عافية على الديوان والقصايد الجميلة المميزة



تــــــــقـــــــ تـــــــحـــــــيـــــــااااااااااااتـــــــــي ـــــــــــــبـــــــــــل



أمير القوافل

يعجز الاسان على شكر وتقديرك

ولكن ما نقوله لك هو الله يعطيك العافيه

وجزاك الله خير

ولك كل التقدير والاحترام

اخوك :! الموهوب !

مشكور والله يعطيك العافيه

الله يرحم مخلد

الف الف شكر لك يالنجـــم

على النقل الرائع والجميل

تقبل تحيتي