شوق تال الليل !!!

طاب ليلكم ونهاركم

يا ويلي يا ويلي منك يا شوق تال الليل=ليا زرتني واللي تريده علي صعيب
تزلزل كياني والسهر يبتدي بالكيل=وعيني تدور للكرى والهنا بالغيب
أمني لروحي بالسعادة بليل بخيل=حجب عن عيوني شوفة اللي عداه العيب
وليف المشاعر راقي الذوق فعل وقيل=بديع المحاسن ساحر الطرف مابه ريب
جميل المحيا كمله ربنا تكميل=من الهامة لماطأ القدم رتبه ترتيب
ليا زارني طيفه بليل الوله والويل=تمنيت كله لو يجيني لعل اطيب
تطيب العيون من السهر وأسترد الحيل=لكن الأماني ما تحقق مطالب ذيب
زماني ظروفه قاسية والبعاد مهيل=من سنين هذي حالتي لين حان الشيب
وش اللي بقى برجيه من حظ فيه الميل=يا حلم الزمن لا تنتظر والزمن حسيب
حوادي زماني كنها حجارة السجيل=تهاوى على حالي و وصل الوليف تعيب
يا ويلي يا ويلي منك يا شوق تال الليل=ليا زرتني واللي تريده علي صعيب

صح لساااااانك

تقبل اعجابي

اي والله شوق تال الليل كارثة

صح لسانك

صح لساااااانك ابدعت موفق خالص الاحترام

صح لسانك مدد ماهو عدد


تقبل التحية

ممتاز

صح لسااااااااااااانك

صح لسانك ولا هنت


تقبل اعجابي

صح لسانك شاعرنا روعاتك تسلم الايادي

صح لسان شاعرنا روعاتك تسلم ياذوق

صح لسانك واحساسك

خالص الود