قصيده راقت لي واحببت ان تقرأونها معي وللأمانة لا اعرف من هو كاتبها
ليت كل القلوب اللي تحب بجنون
تعرف إن المحبة جنة في هجير
كل دمعه عزيزة لأجل غالي تهون
لأجل شوف الحبايب كل قاسي يسير
لي حبيب أحبه والمحيه فنون
كل مااذكر غرامه من غرامه أطير
ماعشقته رياح ولا عشقته سكون
نسمه داعبتني تمتزج مع عبير
فوحها من غرامه تحتويني بهون
كيف مايحتويني حب قلب كبير
إن زعلت وتراخت هامتي والمتون
مد كفه وطبطب قال لي مايصير
ابتساماته محبه وارتعا شاته جفون
ترسم الكون فرحه من هنا للأخير
عن شتاتي بلاد وعن همومي حصون
صرت فارس بلاده والأمير الأسير
قلت له لأتغيب قال لي كيف أكون
قلت عطني يدينك حس قلب كسير
خايف الحلم يفنى بين هم وظنون
وخايف اليأس يحفر قبر حلم صغير
وخايف الدمع يصحى من مهاد العيون
وخايف اصحى واشاهد واقعي والمصير
ضمني حيييل انا محتاج صدر حنون
مدري وش صار فيني بس ماني بخير
التميز
الإهداءات
ليت كل القلوب
