قصيدة اعجبتني فحبيت اسدحها لكم فيذا

هذه القصيدة للشاعر المعروف /عبدالرحمن بن بديع الشهراني

ياسوق الاسهم ليش حرب الابادة=ساويت خلق الله صاحي ومجنون
وخليت عرضك للمخاليق عادة=ناس يذمونك وناس يزكون
مافيه من خيرك رفا به وزاده=جميع من طبوا بسوقك يعانون
وكل صرفته عن هواه ومراده=حتى الضعيف اللي مسيرة على شون
وميت وعينه مثل عين الجرادة=يرقب هوامير الربا وش يسوون
ياللي تعبدون الدراهم عبادة=الله اعلم فالاخرة وش تلاقون
لاصار ربي ماكتب لي سعادة=وشعاد لو مالي كثر مال قارون
بالعكس يمكن انه يزيد النكادة=ويهدني واصير من دون في دون
وياللي ورى الدنا تريد الزيادة=ماسرت النمروذ قبلك وفرعون
اللي لهم فيها نفوذ وريادة=راحوا وكنهم فوقها لم يكونون
واحدمن الباعوض وصله نفاده=وواحد هلك مع درب موسى وهارون
وياللي طلبت العلم هاك الافادة=لاصرت متريح ولاني بمفتون
وفي القناعة والورع والزهادة=ومتعافي وساترني مكون الكون
فوالله لو اسكن تحت عود الكتادة=في خاطري تسوى ثمانين مليون

صح لسانك ولسان شاعرها



الأسهم سدحت العرب سدح



والله يسلمك منها



لك الود

مشكوووور على المرور الجميل يادليل القوافل

اسعدني مرورك وشرفني حضورك لاهنت



ماضنيت احد سلم من هالعاصفة الا من رحم الله ههههه

صح لسانك ولسانه

سلمت على الأختيار الموفق ..

ومآقصرت ..

خالص ودي

ياهلا وغلا بك يالسيف حياك الله وبياك ياذيب


مرورك اروع من الموضوع وكاتبه


مشكووووور على المرور ولكـ خالص ودي وتقديري

صح لسان شاعرها ...


وسلمت يمينك على هالنقل الموفق ... اختيار شاعر ..



يطيك العافية ..



تحياتي