أسعد الله أوقاتكم بالخير والمسرات
واليكم الأبيات
الصاحب اللي قال لي قبل يومين=بكره أجيك وراح ما عاد جاني
على الوعد انطره ما غمضت عين=أعد ساعات الزمن بالثواني
واليوم ثالث يوم وينه وأنا وين=الظاهر إنه بالمشاغل نساني
ليته تجمل وأجل الوعد بعدين=وإلا تعذر قال لي ما مداني
اهون من التطنيش بين المحبين=يسقم مشاعر ساكنه بالمحاني
لو قال لي خل الوعد بعد شهرين=كان إنتظرته لين ذاك الزماني
مير المصيبة كذبته فوق قلبين=قلبي وقلبه بالمواعد كواني
مدري لقي أغلى بناسٍ(ن)قريبين=وإلا يبي جيته في وقت ثاني
وإلا يبيني أشتكي حرقة البين=ما يدري إنه من قداحه سقاني
أشكي من اللوعات لي فوق عامين=اللي شربته من فراقه رواني
نظمت فيه من القصائد دواوين=زينتها له من جميل المعاني
وصفت فيها معدنه كامل الزين=وأشواق روحي بالخفا والبياني
اسمه كتبته للقصائد عناوين=وأبكيت عيني يوم هو ما بكاني
زرعت له قلبي ورود وبساتين=تسقى بدمي وأحضنه في حناني
حيدت من شأنه قرايب موالين=عصيت لأجله واحدٍ(ن)ما عصاني
غلاه عندي ما يحاوج براهين=يدري لكنه مسرفٍ(ن)بالتواني
لا من طلبته حاجةٍ(ن)قال من فين=لو كان يقدر قال وقتي حداني
أربع سنين أطلبه ماسد لي دين=ياما شكيت من العطش ما سقاني
الصاحب اللي قال لي قبل يومين=بكره أجيك وراح ما عاد جاني
التميز
الإهداءات
أعد ساعات الزمن بالثواني !!!
رد: أعد ساعات الزمن بالثواني !!!
