عادت البسمات لشفاه العواطف !!!

أسعدكم الله بكل زان ومكان


بدون مقدمات اليكم الأبيات

عادت البسمات لشفاه العواطف=عقب عودة صاحبٍ(ن)طول غيابه
زانت الليلة وزانن السوالف=الله إنه يحفظ لخلي شبابه
زان لي ليلي بعد ما كنت عايف=راق فكري من حكي ولفي حكى به
إنتعش خفاق ما بين النحايف=ترقص الأفراح مع حضرة جنابه
ثم غنيت الشعر والقاف طارف=طيف خلي هاج شعري ثم سرى به
تجمح الأفكار في طاروق عاسف=للحبيب ولا على فكري رقابه
المعاني كاملة ماهي مناصف=مثل ما سيد الشعر كامل جوابه
مكتمل بالحُسن ما جا له مصادف=نادرٍ(ن)بالحسن لكن لا غرابه
كمله بالحُسن مُنزل بالمصاحف=تعشق لحسنه جواهره وثيابه
مثل ما قلبي لمضنوني موالف=فضله عن كل غالين وقرابه
المودة ما تجي حسب التعارف=الهوى يحتل قلبٍ(ن)مادرى به
لو تجي حسب التعارف بالمواقف=كان ضاع القلب ما يعرف صوابه
مير قلبي مالكه ولفه وعارف=صاحبٍ(ن)بالذوق والأشواق أذابه
يا حبيبي حالفٍ(ن)بالله حالف=إن حبك زاد قلبي ثم شرابه
ما تغيره الزوابع والعواصف=أنت للخفاق نوره ثم سحابه
الغلا بالروح يالمعشوق جارف=بالغياب وبالحضور الحب صابه
غابت البسمات بشفاه العواطف=يا خليلٍ(ن)طال بالدنيا غيابه

ابداع يا استاذ الشعر صح لسانك

صح لسانك بدعت الله يسعدك تقبل الاعجاب

صح لسانك مليون ولا يكفون



مبدع لله درك


تقبل التحية

صح لساااااااااانك



ابدعت لا هنت


موفق

صح لسانك قصيدة ممتازة الله يعطيك العافية

صح منطوقك قصيدة جميلة تسلم الايادي

صح لسانك مليون ولا يكفون ابدعت كعادتك



تقبل التحية

صح لسانك رائعة من روائعك


تقبل مروري

صح لسانك اجدت فيما نظمت يا شاعر القوال