يومين وأنا في فراشي منوم !!!

أسعدكم الله

أحبتي أعضاء القوافل العربية

مر بي وعكة خفيفة والحمد لله أنا بخير وشكرا لكل من سأل حضوريا او هاتفيا

واليكم هذه الأبيات لتبقى ذكرى والحمد لله على نعمته

وعجبا لأمر المؤمن إذا ابتلي صبر وإذا أنعم الله عليه شكر

اللهم لك الحمد ولك الشكر

يالله ياللي بالمخاليق تعلم=أشكي عليك الحال من جرح مشروط
الجرح مؤلم والصبر مر علقم=والحال ما يعجب ولو قلت مبسوط
يومين وأنا في فراشي منوم=الدم ينزف مغرق القطن والفوط
أون من جرح الجسد واتألم=والشاش فوق الجرح باللزق مربوط
وليا نشدني صاحبي قلت تسلم=مابي خلاف الوضع طيب ومضبوط
أجامله وأمازحه وأتبسم=ما كني اللي فيني الجرح مخيوط
خائف على نفسية لا تحطم=أضحك وضحكي بالمواجيع مخلوط
على المواجع والجروح أتكتم=والدم ثلثينه من الجرح مشفوط
الحال يرجع خلف ما به تقدم=طريح كني بالمشاعيب مخبوط
عيا يفيد بعلتي طب بلسم=وأخاف لا يكون الدوا بعد مغلوط
الجرح موجع والسهر بعده أسقم=حالي وأنا ماني بخيلٍ(ن)على النوط
طالبك يارحمن بالحال ترحم=يا شافي لطه وجع سم محطوط
يالله ياللي بالمخاليق تعلم=أشكي عليك الحال من جرح مشروط

أذهب البأس، رب الناس، اشف وأنت الشافي، لا شفاء إلا شفاؤك، شفاء لا يغادر سقمًا .
الأستاذ بن هليل /أسأل الله لك بالشفاء العاجل

وألف لاباس

اقتباس : المشاركة الأصلية كتبت بواسطة عبير الشوق [ مشاهدة المشاركة ]

أذهب البأس، رب الناس، اشف وأنت الشافي، لا شفاء إلا شفاؤك، شفاء لا يغادر سقمًا . الأستاذ بن هليل /أسأل الله لك بالشفاء العاجل وألف لاباس

شكرا لك على الرقية الشرعية

لا عدمتك

وشكرا على الدعاء الطيب يا طيبة لا اراك الله مكروها في نفسك او في عزيز عليك

والحمد لله

صح السااااانك يابن هليل وماتشوف شر واجر وعااااااافيه باذن الله واعذرنا على القصور

احتراااااااااااااااامي

اجر وعافية


صح لسانك واعتلا شانك

العذر والسموحة ما عندي خبر الا من هذه الأبيات

الحمد لله على السلامة


وما تشوف شر

صح لسانك وسلامات يا شاعر القوافل


ما تشوف شر

صح لسانك واعتلا شانك واجر وعافية


طهور ان شاء الله

أذهب البأس، رب الناس، اشف وأنت الشافي، لا شفاء إلا شفاؤك، شفاء لا يغادر سقمًا .
الأستاذ بن هليل /أسأل الله لك بالشفاء العاجل

اجر و عافيه اخونا ابن هليل

شفاك الله وعافاك اجر وعافية بإذن الله