السلام عليكم ورحمة الله وبركاته
اطرح بين ايديكم هذه القصيده و آمل بأن تنأل استحسانكم
باب يأتي منه شر النفس جود قفله = لا يفك الباب من قلبه تبع شيطانه
من تبع شيطان نفسه طق بابه عله = روح قلبه من لواهبها غدت سهرانه
كم شيطان(ن) تدخل بين خل وخله = فرق قلوب الولايف وثمرت اغصانه
كم فواد(ن) غره الشيطان ثم احتله = لين كب امه وبوه وجدته وخوانه
عقبها قال ابتعد مالك لديه دله = دلتك عند الحزن وشلته وأعيانه
المنادي في طريق الشر لا توقف له = صد عنه لا توقف لو تسيل اعيانه
انصحه ثم ابتعد وفي طريقه خله = يحترق من وقته القاسي و نار احزانه
قلب ماجاه الحسد السم لا يدخله = لا دخل سم الحسد افسد نقا شريانه
باب يأتي منه ريح الطيب فكه كله = خل مفتاحه يفوح بعنبر وريحانه
منه تبني قصر شامخ تستظل بظله = كل طيب يلتفت له و الفخر عنوانه
كل قلب(ن) وده لباب الفخر ياصله = ينسا احزان الزمن و يغتنم بستانه
باب عز وباب جود وباب شيخ الحله = الكرم ما يفتخر الاَ بحلا رمانه
باب نسناسه بريح المسك دايم فله = يبري الروح التي من وقتها سقمانه
الفواد اللي محنك كل شر ايزله = يهتني في ليلة و يحصد ثمر ركبانه
الهوا كل القلوب العاشقه توصله = والعشق بلوه ليا منه شعل نيرانه
ياخفوق اسجد لربك صل فرضك صله = عل روحك من صلاتك ساكنه بجنانه
المنيه تاصل الخافق ولا ترسله = تاصله لو الحرس واقف على بيبانه
من تبع شيطان نفسه طق بابه عله = روح قلبه من لواهبها غدت سهرانه
التميز
الإهداءات
باب نسناسه بريح المسك دايم فله
رد: باب نسناسه بريح المسك دايم فله
