الليل بارد !!!

طابت أوقاتكم أين ما كنتم
الأبيات

الليلة الناس كل ٍ(ن)ملتحف له لحاف=وانا لحافي رميته حين جاني قهاد
الليل بارد وفيني خلف عوجٍ(ن)نحاف=وقايد ٍ(ن)طيرت نومي وجاني سهاد
ياليلة البرد بردك صابني بإرتجاف=والجمر ياليلة البردان عود رماد
ما عادت الحال تقوى برد هذا اعتراف=اعلنه فوق الملا واللي مضى ما يعاد
راحت سنين الدفا والحلو عود خلاف=والمقبلة من سنيني مالها من ركاد
مدري ثقيلة على البردان وإلا خفاف=لكن شواري زماني ماعليها إعتماد
أعاف من حالي اللي ماهقيته يعاف=هذا كلام الصحيح اللي عليه الوكاد
درب العمر للتراجع ابتدأ بإنعطاف=هجمة شبابي وكاد اليوم فيها إرتداد
لو كان مابي خلاف ولا عطيت لخلاف=لكن حكم الزمن ما يقبل الإجتهاد
أشوف بالحال شيءٍ(ن)مابغيته يشاف=بيض الليالي تلبس تاليتها سواد
بالصدر ضيقة وفي حلقي بوادر جفاف=ماني بلاقي علاج ولا نفعني ضماد
ما حيلتي غير صبري والرضا بالكفاف=والحمد والشكر لله فوق باللي أراد
اللي تفضل عليًه بالغناء والعفاف=سبحانه الواحد المعبود رب العباد
الليلة الناس كل ٍ(ن)ملتحف له لحاف=وانا لحافي رميته حين جاني قهاد

صح لسااانك واعتلا شانك


تقبل التحية

ابداااااع صح لسااانك تقبل الاحترام

صح لسانك ولا هنت


احترامي

ما قصرت صح بوحك استاذ الشعر الراقي

بدعت صح لسااااااانك


تقبل اعجابي

صح لسانك واعتلا شانك


احترامي

يا سلام

صح لسانك
راقت لابو سعد

صح لسانك وسلم بنانك ايها النشمي

صح لسانك ولا هنت


وفيت وكفيت