دار الأمن والرخا والجود والفله !!!

أسعد الله أوقاتكم بكل خير


تمشيا مع مناسبة الجنادرية 25


اليكم هذه الأبيات وعلها تروق لكم

بسم الله الواحد المعبود بسم الله=أقولها فأول الطاروق والتالي
اللي خلقنا رزقنا والفضل كله=لله رب الخلائق ربنا الوالي
دار الأمن والرخا والجود والفله=بالشرق والغرب وجنوب(ن)مع شمالي
من عاش في غيرها ما يسلم الذله=حتى لو إنه عريب الجد والخالي
يا دار حبك بقلبي دوم ما مله=يا دار يفداك كلي مالي وحالي
يا دار منهو سكن بك حافظ المله=يمشي على النهج ما بدل ولا مالي
دستورك الشرع ما شابه ولا خله=في ظل صقر الوطن نقاض فتالي
عبدالله اللي جميع الشعب في ظله=عز الوطن والمواطن درع وظلالي
صقر العروبة حبيب الشعب ياخله=ياللي سكنت القلوب بطيب الأفعالي
عسى المنايا تعدا الشيخ وتزله=كفل اليتامى رحيم بشيب وأطفالي
عبدالله اللي جميع الصعب يسهل له=لأجل الوطن والمواطن يرخص الغالي
عبدالله اللي يعقد الحبل ويحله=ندي كف(ن)نهار الخيل خيالي
على يمينه سيوف العز منسله=أخوان نوره تعدل كل ميالي
سلطان سلطان غيث مزون منهله=وليا إنتخا غزر سيله يصفق الجالي
سلطان درع الوطن ما يشكي العله=اليا غضب كن صاب الأرض زلزالي
كف الندا كن فيها الموت مرسل له=يرمي به اللي يجي للدار عيالي
من بعدهم نايف الضرغام تاصل له=كل المهمات تاصل له وتنجالي
عين الوطن ساهرة ماهي بمختله=ترصد مهماتها مقفا ومقبالي
كم واحدٍ(ن)غره الشيطان ثم غله=وأمسى عليه الثرا والطين منهالي
وكم فارسٍ(ن)لحيته بالدم مبتله=الدار عذرى لها فرسان ورجالي
يا دار في ظلهم منتي بمحتله=بعيدةٍ(ن)عن شنب بايق وختالي
وختامها نشكر المعبود ونجله=اللي وهبنا نعايم ما لها أمثالي

يسعدني انني اول من صافح هذه الدره الثمينه ذات الوطنيه الصادقه والنابعه من اعماق القلب

جزله من شاعر وطني جزل لله دره ويستاهلون حكام البلاد حفظهم الله

دار الأمـــــن والــرخـــا والــجـــود والـفــلــه
بالشرق والغرب وجنوب(ن)مع شمالي
مـن عـاش فـي غيرهـا مـا يسلـم الـذلـه
حـتـى لــو إنــه عـريـب الـجــد والـخـالـي

صح لسانك ويعطيك العافيه
لاتحرمنا ابداااااااااااعك

اقتباس : المشاركة الأصلية كتبت بواسطة راع الصدق [ مشاهدة المشاركة ]

يسعدني انني اول من صافح هذه الدره الثمينه ذات الوطنيه الصادقه والنابعه من اعماق القلب جزله من شاعر وطني جزل لله دره ويستاهلون حكام البلاد حفظهم الله

اقتباس : المشاركة الأصلية كتبت بواسطة أميرة بكلمتي [ مشاهدة المشاركة ]

دار الأمـــــن والــرخـــا والــجـــود والـفــلــه بالشرق والغرب وجنوب(ن)مع شمالي مـن عـاش فـي غيرهـا مـا يسلـم الـذلـه حـتـى لــو إنــه عـريـب الـجــد والـخـالـي صح لسانك ويعطيك العافيه لاتحرمنا ابداااااااااااعك

الله يسلمكم



سعدت بحضوركم الطيب وردكم الاطيب


لا عدمت تواجدكم الكريم

الله عليك


شاعر مبدع مميز صح لسانك على هذه الدرة الغالية


تقبل خالص ودي

بيض الله وجهك على هذي القصيده

الكثر من رائعه والوطن يستهل

درة وطنية .. ولاهي غريبة عليك

صح لسانك .. ويعطيك العافية . . ودام لنا الأمن والأمان



كل الود
..

الله الله



صح لسانك مدد


قصيدة رائعة بروعة فكرك

صح لسانك يا مبدع القوافي وشاعر القوافل



مبدع ويستاهل الوطن

يا سلام عليك



صح لسانك يالذيب والوطن وحكامه يستاهلون أكثر من الشعر