الجديد امتداد للقديم
قصيدة عله تروق لكم
(أنا البارحة ماأمسيت والمسلمين رقود=وحسبي على من كان هذا من أسبابه)
قصيدة قديمة جاتني من نعيم العود=يقول أعجبتني والغضي عارف ٍ(ن)مابه
فقلت الله الله ذقت طعم السهر وسهود=قبل تشتكين من السهر ذقت مشهابه
ياشين السهر للي فقد غالي(ن)مفقود=تهامل عيونه وأسود الليل ما جابه
عيون الشقا تجلب على مشتقي منقود=ليا حط في ساحة معاناته ركابه
من سنين اصارع للسهر كني المرمود=خذيته سهيري واعتبرني من احبابه
رجاوي بشيء راح ما ظنتي بيعود=زماني وحظي يا اريش العين قفا به
ياليت السهر ليلة واعديه نقصه زود=لكن السهر مدقوق بالعين منسابه
زمان الهنا بالنوم معلن علي صدود=وقام السهد بالليل عابد بمحرابه
ولا ترقد الا عين من هده المجهود=ليا حط راسه خمه النوم بأنيابه
يا شبه الزهر والورد والسكر المعقود=عليك برجاء معبود ما خاب طلابه
عليك الصبر والذكر للواحد المعبود=كريم العطاء ما خاب من لاج في بابه
يابنت الشرف والطيب طبع الكريم ايجود=يجود بعطاه الفقر ما يحسب حسابه
وانا منتظر مدات كفك بدون قيود=ترى من تردد بالطلب يفقد أعصابه
رجا بيني وبينك بليا سند وشهود=كتبته بدم الشوق والشعر مخلابه
ومن مد بالجزلة يجبه الجزل مردود=ومن مد بالهزلة تفشل مع أصحابه
أنا ما بخلت بشيء عن غالي(ن)محمود=تولعت به من زود حسنه مع أطيابه
فؤادي وعقلي والهوى للغلا ممدود=وتفداه روحي في حضوره وبغيابه
التميز
الإهداءات
السهر مدقوق بالعين منسابه !!!
رد: السهر مدقوق بالعين منسابه !!!
