يـاعين بالله دمـعـك لاتهلـيـنـه = الدمع ياعين يحـفي حلو الاجـفانـي
دخيلكِ ياالعيون إنـك تكـفيـنـه = كفي دمـعـك مـن شانك ومـن شـانـي
واجـب عليك تحفظينه تغـطـيـنـه = غطيه بـأهـدابـكِ لا يلحـقه جـانـي
الواجـب انـك على غيره تبدينـه = الـدمـع غالـي نـزولـه حيل عناني
قالت نـزل غصب قلت أمـر تبغينه = يـطـفـي حـرايـق شبت جـوف شرياني
لاشـك دمعـك ذرف مـن شيء تغلينه = قـالـت صحيح الحكي لو العمر فاني
قلت الحقيقه رحـل وانتي تعزينه = مـعـزته تاج وحـروفـه على الساني
صعب(ن) عليك تـرى ياعين تنسينه = وصعب(ن) عليه اتناسى نور الاعياني
أمر القدر ابعده وأنتي تريدينه = ودي بـشـوفـه لكن الحظ يـعـصـاني
الأمـر أمـره لـيـا عود تشوفينه = شـوفـتـه يـاعين تـروي كل ظمياني
لـيـا لـفـاكِ دخـيـل الله تخـبينه = خـبـي تـحـت الرمـوش أعـز انساني
يـاعـيـن بالله لـيـا جاكِ تسمينه = سـمـيـه روح الفؤاد ودم وجـدانـي
مـدام دمـعـك على شـانه تصبينه = صـبـي دمـعـك لين اطيح غـشـيـاني
التميز
الإهداءات
سميه روح الفؤاد ودم وجداني
رد: سميه روح الفؤاد ودم وجداني
