قصيدة للشاعر: محمد مذكر المغيبي
لن عكر الصافي زمان التهاويـل=وقامت همومك تشتغـل طابعتهـا
ووقت العنا جاتك خيولة زرافيـل=وحمولهن حدب الضلوع احتوتها
وبديت في منضومة الحط والشيل=والارض ضاقت في عيونك سعتها
ازبن على من نزل الحق تنزيـل=اللي رفع سبـعٍ وسبـعٍ تحتهـا
سبحان من بمرة يوجـه مكائيـل=ويسوق سحـبٍ قدرتـة كونتهـا
ويهلك بها جيل ويرحم بها جيـل=ويحط عبرت قوم فـي سابقتهـا
هو من يبدلها بيسـر وتساهيـل=وغيرة محال انـه يغيـر جهتهـا
دنياً زوال ولا وراهـا محاصيـل=محدٍ سلم منها ومـن عنجهتهـا
ياما تعثر فـي شركهـا رياجيـل=ويامـا عليهـم كبـرت دايرتهـا
وكم قللة من شان قـومٍ حلاحيـل=والعكس يامـا رفعـت منزلتهـا
ولاتكبر الا في عيـون المهابيـل=ضعوف النفوس اللي رديٍ بختها
اللي على الدجة مقـافٍ مقابيـل=والناس فـي مـا دار ماعبرتهـا
والله مايشـف الكبـود المغاليـل=خطوت هلابيجٍ عليـك عرضتهـا
لو انها في منزل الجدي وسهيـل=لابد يعطيـك الزمـن خارطتهـا
ويكشف لك الواقع بكل التفاصيـل=وتدرك مساعيها وتفهـم لغتهـا
وأعطيك فيما أقول واف المعاديل=وراي العرب يعرض على عارفتها
التميز
الإهداءات
راي العرب يعرض على عارفتها
رد: راي العرب يعرض على عارفتها
