جريح حب و طاح له فـي جريحـة

بعد الفقر حطت شريحـة و جـوال=
يسعـد مسـا جوالهـا و الشريحـة=
كانت تجينـي تشتكـي قلـة المـال=
و تصيح لا جا طاري الفقر صيحـة=
تقـول أبويـه دايـم الـدوم رحـال=
و أمي كبيـرة سـن دايـم طريحـة =
و أنت الوحيد اللي لك القلـب ميـال=
دايم يصارحني و أنا لـه صريحـة=
طفلة و أنا معشوقها بيـن الأطفـال=
جريح حب و طاح له فـي جريحـة=
كنا سوى نرسم على التربـة آمـال=
و أحلام تقتلهـا الحيـاة الشحيحـة=
كم دمعة كانت علـى الخـد تنهـال=
و إذا نزلت ضاقت علـي الفسيحـة=
الله كم صرخة .. و همسة .. و موال=
الله كـم جـادت علينـا القريـحـة=
الله كـم بيـت كتبـنـاه يخـتـال=
و أقول أنا ضيدان و انتي المليحـة=
نخيل لو ما ف السما برق و خيـال=
و انكذب الأيام لـو هـي صحيحـة=
و تقول لا حطيت لك بشت و عقـال=
و سخر لك الرحمن عيشـه مريحـة=
أخاف تتركني علـى عثـرة الفـال=
للفقـر و وجيـه الحيـاة القبيحـة=
و حبيتها بيـن الخلايـق و الأزوال=
حب يطـول الوقـت محـد يزيحـه=
و سلمتهـا قلـب تباريـه الأهـوال=
و طاح الخفوق و طيحة القلب طيحه=
راحت و خلتني مع القيـل و القـال=
شاعر صواريـف الدهـر تستبيحـه=
و دار الزمان و غير الحـال بالحـال=
و جاها الزمان بكل ورده و شيحـه=
فلة و خدامـة و لكـزس و جـوال=
و أنا عجزت ادفع رسـوم الشريحـة=

منقووووول

كل الشكر لكـ


على طرحك الجميل


الله يعطيك ألف عافية

لكـ تحيتي

تسلم على الأختيار

وصح لسانك ولسان قايلهااا . .

خالص ودي