قصيدة رثاء بالشيخ: نجم بن هليل و الشيخ:سحيم بن مرزوق (رحمهما الله)
يامل قلب(ن) كنـه بواهـج النـار........هاجوسي اللي بالحقيقـة سرابـي
ياهاجسي تمشي بي يمين ويسـار........أحد(ن) درى عني وأحـد مادرابـي
لو أعتذر لك قلـت مافيـه معـذار........تزعل علي وتنزعج مـن عتابـي
لي نظرتي والناس كل لـه أنظـار........وأرفع حجاجي فوق وأضفي ثيابـي
ذكرتني وأسقيتني كـاس الأمـرار........أنته وراك تزيدني فـوق مـا بـي
والله يوم أذكـر طويليـن الأشبـار........أهل العقـول مرجحيـن الجوابـي
الشيخ نجم اللي على الوقت صبـار........حـلال نشبـات الحبـال الصعابـي
يمشي على تقوى وهرج(ن) بمعبار........سيف(ن) شباته ماتحـك النصابـي
كمل وجمل يـوم لـوذات الأسعـار........قبل المواتر يـوم حـدب الركابـي
إيجونـه العـراف عـنـوه وزوار........ويلفون عنده فوق سهل الرحابـي
وسحيم بن مرزوق كتام الأسـرار........ضد الخصوم اللـي تحـد الحرابـي
سواة عد(ن)فيـه مـارد ومصـدار........من ساس بيت(ن)ينحسب له حسابي
يفرح ليا جولـه مساييـر خطـار........حيد(ن) منيف فوق روس الشعابـي
شيخ حكيم وعنده أفكـار وأفكـار........يعرف تواصيف الخطـأ والصوابـي
مشاعري هزت ضميري بالأشعـار........وأوجز ليا منـي كتبـت الخطابـي
أعطيك نبذة عن حكيمين الأشـوار........زحول الرجال أهل الشيم والأدابـي
خذولهم مع طيب الوقـت مشـوار........وقت(ن) نظيف ما خلط بالسرابـي
ميقاعهم وقع الشياهيـن الأحـرار........والصقر ماياقـع بجنـب الغرابـي
سبحان من بيديه تصريف الأعمـار........رب العبـاد آجالـهـم والكتـابـي
عسى لهم في جنة الخلـد مقـرار........وإلهم من الجنـة طعـام وشرابـي
من يبسط الكفين مع وقت الأسحار........يجزى على خير العمـل بالثوابـي
هذا وصلى الله على سيـد الأبـرار........عد المطر من ناشيـات السحابـي
شعر: الشيخ/ معيوض بن دبيان بن هليل الثبيتي
التميز
الإهداءات
يامل قلب(ن) كنـه بواهـج النـار؟؟؟؟
رد: يامل قلب(ن) كنـه بواهـج النـار؟؟؟؟
مشكوور وماقصرت
