أبيات لعلها تروق لكم
يا مشغلتني بكثر الهرج كم لي ذبيح=
ما بين مدري وليت العمر ماله بديل=
ضيعت عمري رجاوي في منابيت شيح=
ما شفت فيها ثمر حلاتها زنجبيل=
يامثمرة ليش طلعك علة ٍ(ن)للصحيح=
أسقمتي الحال يانبتة وحار الدليل=
وأشغلتي القلب عن دينه بصدري جريح=
ينزف من أوهام ينسجها بليا حصيل=
مشغول مع طيفك المجنون روحة وريح=
ماذاق نعمة وصال ولا عزاء في قتيل=
الوصل يا صادقة للي كمانا مريح=
والوعد يا كاذبة سواة مد البخيل=
وإن كان ودك تعرفي بالكلام الصحيح=
ابريل أنا كذبته يا واثقة في بريل=
صحيح كلي مليح وكل هرجي مليح=
أصيل في وقت ناسه ما تقدر أصيل=
لكن جوفي فحيح وفي قصيدي فحيح=
يا فاتنة ملمس الثعبان ناعم و ويل=
من يلدغه نابه المسموم يغدي طريح=
السم من يدخل بجوفه بيغدي عليل=
هذا أنا والسموحة من خطاي أستميح=
والمعذرة كان حسيتي بدمي ثقيل=
بريحك من عناي ومن عناك أستريح=
قدام يضحك علينا بالليالي هبيل=
ماني من العالم اللي يعشقون المديح=
ولاني من اللي يقنعون بقليل=
ولاني من العالم اللي للردى تستبيح=
هذي طبوعي كذيا صلف لكن حليل=
صارحتك بكل مافيني جميل وقبيح=
وإن كان ما طاب لك ماقلت ماني خليل=
بعيش مرفوع راس ولا اتجدى شحيح=
وليا دعتني وفاتي مت ماني ذليل=
برحل عن العالم اللي ما يحب الصريح=
قالوه من قبلنا بعد النزول الرحيل=
يا مشغلتني بكثر الهرج كم لي ذبيح=
ما بين مدري وليت العمر ماله بديل=
التميز
الإهداءات
كذبة ابريل !!!
رد: كذبة ابريل !!!
