يبست الريق من طرد السراب !!!

أسعدكم الله

الواقع والخيال أمران متلازمان

الفرق بينهما كشعرة معاوية

واليكم الأبيات علها تروق لكم

يا صحاري بلا زاد وشراب=من وقع بالمتاهات ابتلش
حفيت الرجل من وطي الصعاب=ما تهاب العقارب والحنش
يبست الريق من طرد السراب=تعبت الروح من شمس وعطش
ظلي الشمس والفرش التراب=كني اللي من الجمر افترش
يغلي القلب مني لين ذاب=من حروق التجافي والطنش
غاب ولفي وحلو العمر غاب=العنا زاد والفرح انكمش
صرت بعده مثل ناصي ركاب=أشتري وأتبايع بالنجش
مشغل الفكر مير الفكر خاب=الهنا غاب والهم إنتعش
ينزف الجرح بالقلب المصاب=حلم الأيام عجز وإنخرش
شوف عيني غطى فوقه ضباب=ما يرده علاج ولا نقش
عقب فرقاك يازين الشباب=حلم عمري كما العهن إنفش
حظي أسود مثل لون الغراب=ما يكب النذاله والغشش
كل ما قلت:يصلح زود خاب=صار مثل المسجى بالنعش
شبت والشعر مثلي بعد شاب=كل مابي من الوقت لإندهش
طول ليلي مثل عاوي ذياب=والمشاعر تعارك بالشوش
في صحاري بلا زاد وشراب=من وقع بالمتاهات ابتلش

صباحك ابيات راقية شاعرنا المبدع ابن هليل


عودتنا على الزين و ما يجي منك الا الزين

تسلم الأيادي

صح لسانك كالعادة ابداع غير مستغرب من شاعر مثلك

صح لسانك مليون ولا يكفون



خالص التحية

صح لسانك يا مبدع القوافي


خالص الاحترام

صح لسانك واعتلا شانك ابدعت وامتعت



تقبل التحية

قصيدة ممتازة


صح لسانك

يعطيك الف عافية



رائعة من روائعك

صح لساااانك للرضا



راقت لأبو سعد

صح نبضك وكيانك رائع الله يوفقك